რეგიონები

ახალციხის სამშობიაროში 22 წლის ქალი გარდაიცვალა

ახალციხეში, კლინიკა „იმედში“ დღეს დილით 22 წლის ქალი გარდაიცვალა.

არსებული ინფორმაცით, ქალმა 28 მარტს იმშობიარა, დღეს დილით კი, ის გარდაცვლილი საავადმყოფოს სააბაზანოში იპოვეს.

როგორც ექიმები ამბობენ, წინასწარი ინფორმაციით, ქალის გარდაცვალების მიზეზად თრომბი იქცა.
ოჯახის ახლობლები მომხდართან დაკავშირებით პასუხისმგებლობას კლინიკა „იმედის“ ხელმძღვანელობას აკისრებენ.

შსს-ს ინფორმაციით, 30 მარტს შინაგან საქმეთა სამინისტროს ახალციხის პოლიციამ დაიწყო გამოძიება სისხლის სამართლის საქმეზე, გაუფრთხილებლობით სიცოცხლის მოსპობის ფაქტზე.