კომენტარი

ახლა რომ სექტემბრის ბოლო იყოს, როგორ ეყვარებოდა „ქართულ ოცნებას“ ხალხი - ალეკო ელისაშვილი

ახლა რომ სექტემბრის ბოლო იყოს, როგორ ეყვარებოდა „ქართულ ოცნებას“ ხალხი, იმიტომ რომ თითოეულ ამომრჩეველში თითო შემოხაზულ „41“-ს დაინახავდა, - განაცხადა თბილისის საკრებულოს დამოუკიდებელმა დეპუტატმა, ალეკო ელისაშვილმა „ბავშვთა სამყაროში“ გაჩენილი ხანძრის შედეგად დაზარალებული მოვაჭრეებისთვის 3 ათას ლარის ოდენობის ერთჯერადი დახმარების გაცემის საკითხის კომენტირებისას.

მისი თქმით, 5 ათასი ლარი არის ის მინიმუმი, რომელზე ნაკლები თანხა ხანძრის შედეგად დაზარალებულებზე არ უნდა გაიცეს.

„ამ ხალხს ამდენი წვალება არ უნდა სჭირდებოდეს. ყინვაში გათენებული ღამეების შედეგად გამოგლიჯეს 3 ათასი ლარის დაპირება. ვაჭრობა თანხის ოდენობაზე - მათი აბუჩად აგდებაა. ახლა რომ სექტემბრის ბოლო იყოს, როგორ ეყვარებოდა „ქართულ ოცნებას“ ხალხი, იმიტომ რომ თითოეულ ამომრჩეველში თოთო შემოხაზულ „41“-ს დაინახავდა. ასეთი მიდგომა შეურაცხმყოფელია - არჩევნებამდე დიდი ხნით ადრე, რომ ხალხი არ გაინტერესებს და არჩევნების მოახლოვებისას, გულაფეთქებული ხარ ხალხის სიყვარულით. ამდენ ხანს არ უნდა ვალაპარაკებდეთ ამ ადამიანებს“, - განაცხადა ელისაშვილმა.

ნინო ექვთიმიშვილი