21.04.2019 10:00
პოლიტიკური გაერთიანება „რეფორმატორები“ ახალ თავმჯდომარეს აირჩევს

პოლიტიკა

ახლადარჩეული პარლამენტის პირველი სხდომის დანიშვნა და სხდომის გახსნა პრეზიდენტის პრეროგატივაა

ახალარჩეული პარლამენტის პირველი სხდომა არჩევნების მეორე ტურის კენჭისყრის დღიდან 20 დღის განმავლობაში უნდა ჩატარდეს. პარლამენტის რეგლამენტის მიხედვით, ახალარჩეული პარლამენტის პირველი სხდომის დღეს ნიშნავს და პირველ სხდომას ხსნის საქართველოს პრეზიდენტი.

ახალარჩეული პარლამენტის პირველი სხდომა შეიძლება გაიხსნას, თუ მას ესწრება (რეგისტრაცია გაიარა) ახალარჩეული პარლამენტის სრული შემადგენლობის უმრავლესობა. რეგლამენტის მიხედვით, პარლამენტი მუშაობას შეუდგება, თუ საქართველოს ცენტრალური საარჩევნო კომისია არჩეულად გამოაცხადებს პარლამენტის სრული შემადგენლობის არანაკლებ ორ მესამედს.

პარლამენტი პირველივე სხდომაზე აირჩევს პარლამენტის თავმჯდომარეს და ვიცე-სპიკერებს, ასევე, დააკომპლექტებს კომიტეტებს და აირჩევს მათ თავმჯდომარეებს.

პირველ სხდომას უნდა დაესწროს საქართველოს ცენტრალური საარჩევნო კომისიის თავმჯდომარე. ასევე, ახალარჩეული პარლამენტის პირველ სხდომაზე შეიძლება მოწვეულ იქნენ სრულიად საქართველოს კათალიკოს-პატრიარქი, ქვეყნის სხვა რელიგიურ კონფესიათა უმაღლესი სასულიერო პირები, საქართველოს საკონსტიტუციო და უზენაესი სასამართლოების თავმჯდომარეები და საზოგადოების სხვა წარმომადგენლები.

მარი ნამგალაძე