კომენტარი

ამ 5 წლის განმავლობაში რკინიგზის მდგომარეობა მიდის დეგრადაციისკენ - რომან გოცირიძე

როგორადაც არ უნდა მოვიწონოთ თავი, რომ ორსართულიანი მატარებლები დადის, რკინიგზის ტვირთბრუნვა თითქმის მესამედითაა შემცირებული, - ასე მიმართა „ნაციონალური მოძრაობის“ წევრმა რომან გოცირიძემ ფინანსთა მინისტრს მამუკა ბახტაძეს, რომელმაც 2018 წლის ბიუჯეტის პროექტი წარადგინა.

„შეიძლება ვთქვათ, რომ კატასტროფული ვითარებაა. ეს არის რკინიგზა. როგორადაც არ უნდა მოვიწონოთ თავი, რომ ორსართულიანი მატარებლები დადის, ყველაზე ნათლად, საუბრობს ის სტატისტიკა, რაც თქვენ აქ წამოადგინეთ - თითქმის მესამედითაა ტვირთბრუნვა შემცირებული, მაგრამ სამწუხაროდ, ამ 5 წლის განმავლობაში რკინიგზის მდგომარეობა, ფაქტობრივად, მიდის დეგრადაციისკენ“, - განაცხადა გოცირიძემ.

როგორც დეპუტატმა აღნიშნა, რკინიგზის ბოლო მოგება 2012 წელს იყო 97 მილიონი ლარი, შემდეგ წლებში კი შემცირდა.