უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
ამ სიცრუეს როდის უნდა ეშველოს? - შოთა ხაბარელმა მიხეილ ყაველაშვილი სიცრუისა და დეზინფორმაციის გავრცელებაში დაადანაშაულა
სპორტისა და ახალგაზრდულ საქმეთა საპარლამენტო კომიტეტის თავმჯდომარე მიხეილ ყაველაშვილი მისმა პირველმა მოადგილემ შოთა ხაბარელმა დეზინფორმაციისა და სიცრუის გავრცელებაში დაადანაშაულა.
ყაველაშვილმა პარლამენტის პლენარულ სხდომაზე განაცხადა, რომ ძიუდოს ფედერაციაში არ გამოვლინდა ის დარღვევები, რაც ფედერაციის პრეზიდენტის, დავით ქევხიშვილის გადადგომის საფუძველი გახდებოდა.
ყაველაშვილმა მოუწოდა ძიუდოისტებს, ვინც ქევხიშვილის გადადგომის მოთხოვნით არ ვარჯიშობენ, დაუბრუნდნენ საჭიდაო ხალიჩას.
„მინდა, მოვუწოდო ჩვენს სპორტსმენებს, რომ დაუბრუნდნენ საჭიდაო ხალიჩას, გააგრძელონ საქართველოს სახელით გამოსვლა და ნუ დააყენებენ თავს მთელი ქართული ძიუდოს სამყაროს საპირწონედ. ამისათვის, მეც და თამამად შემიძლია ვთქვა, რომ კულტურისა და სპორტის მინისტრიც მზად ვართ, კიდევ ერთხელ, ყველანაირად ვითანამშრომლოთ ორივე მხარესთან და მშვიდობიანად დავასრულოთ არსებული კონფლიქტი.
კომისიამ ორივე მხარეს მოუსმინა, დეტალურად შეისწავლა მათი არგუმენტები და ვერ აღმოაჩინა ის არგუმენტები, რომელიც შესაძლოა, ფედერაციის პრეზიდენტის გადადგომის საფუძველი გამხდარიყო“, - განაცხადა ყაველაშვილმა.
აღნიშნულმა განცხადებამ ხაბარელის უკმაყოფილება გამოიწვია. მან ყაველაშვილის ნათქვამს სიცრუე უწოდა და დასძინა, რომ კომისიამ ფინანსური მაქინაციები გამოავლინა და შეცდომად აღიარა მწვრთნელების გაშვება.
„ზუსტად კომისიის დასკვნიდან გამომდინარე გუშინ მინისტრმა განაცხადა, რომ იყო დარღვევა ფინანსური მანიპულაცია. ასევე იყო შეცდომა მწვრთნელების შეცვლა. ამ დარბაზში ჩვენ კიდევ ერთხელ ვიხილეთ ერთი ყველაზე დიდი სიცრუე, საზოგადოებას ჩვენ ვაწვდით დეზინფორმაციას. მე მინდა ყველამ გაიგოს, ესენი არიან ჩვენი ერის შვილები, რომელთაც აქვთ ლეგიტიმური პროტესტი და ეს დადო კომისიამ. დღეს ამ დარბაზში მოვისმინეთ, რომ თურმე, დარღვევა არ ყოფილა. ეს ხომ არის დეზინფორმაცია, ეს სიცრუეა, ხალხო. ამ სიცრუეს როდის უნდა ეშველოს?“, – გამოეხმაურა დეპუტატი ყაველაშვილს.
ძიუდოს ეროვნული ნაკრების წევრები თითქმის ერთ თვეა, პროტესტის ნიშნად აღარ ვარჯიშობენ. სპორტსმენები დავით ქევხიშვილის გადადგომას ითხოვენ. მათ ასევე უნდობლობა გამოუცხადეს კომისიას, რომელიც აერთიანებს კულტურის სამინისტროს, სპორტის საპარლამენტო კომიტეტისა და ოლიმპიური კომიტეტის წევრებს. სპეციალურ კომისიას ევალება ძიუდოს ფედერაციაში შექმნილი ვითარების შესწავლა.
დაძაბულობა ევროპის ჩემპიონატზე დაფიქსირებულმა შედეგებმა გამოიწვიეს, როცა ქართველი ძიუდოისტები უმედლოდ დაბრუნდნენ. ამის შემდეგ ეროვნული ნაკრების სამწვრთნელო შტაბის სრული შემადგენლობა გადადგა.