პოლიტიკა

ამომრჩეველთა აღრიცხვა კახეთში - აღმრიცხველები სიების დანიშნულებაზე არ საუბრობენ (ვიდეო)

თელავის #6 საუბნო საარჩევნო კომისიის მიმდებარე ტერიტორიაზე რამდენიმე ქალბატონი ამომრჩევლის აღრიცხვას ახორციელებს. ამის შესახებ „კურიერი“ იუწყება. მათ სპეციალური სიები აქვთ, სადაც ზოგიერთი სახელისა და გვარის გვერდით ნომერ 41 არის მითითებული. ქალბატონების გაღიზიანებამ გამოიწვია იმ ფაქტმა, რომ ჟურნალისტი სიების დანიშნულების დაზუსტებას ცდილობდა.

ამომრჩეველთა აღრიცხვა შეინიშნება ლაგოდეხის რაიონ სოფელ კაბალის #18 საარჩევნო უბანზე, რომლის მიმდებარე ტერიტორიაზე „ქართული ოცნებისა“ და „ევროპული საქართველოს“ წარმომადგენლები იმყოფებიან. გადამღები ჯგუფის გამოჩენის შემდეგ პარტიების წარმომადგენლებმა ერთმანეთისთვის კანონდარღვევის გადაბრალება დაიწყეს.

ანა მებურიშვილი