უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
არქივი
კომენტარი
ანა დოლიძე - ჟურნალისტზე შესაძლო ძალადობის ფაქტზე: საქართველოს პრეზიდენტი ძალიან აქტიურად ადევნებს თვალყურს ამ საქმეს
საქართველოს პრეზიდენტი ჟურნალისტზე შესაძლო ძალადობის ფაქტის გამოძიებას აქტიურად მიადევნებს თვალყურს, - განუცხადა ჟურნალისტებს პრეზიდენტის საპარლამენტო მდივანმა, ანა დოლიძემ ბორჯომში, ტელეკომპანია ”იბერიის” წამყვანის, გორგი გასვიანის ცემასთან დაკავშირებული ინფორმაციის კომენტირებისას.
”ჩვენ, ხალხმა, არაერთხელ, ჯერ კიდევ გირგვლიანის საქმეზე რეაქციით დავამტკიცეთ, რომ ჩვენთვის მიუღებელია ძალადობის ნებისმიერი გამოვლინება, არაკანონიერი გამოვლინება სახელმწიფო მოხელეების მხრიდან.
შესაბამისად, საქართველოს პრეზიდენტი ძალიან აქტიურად ადევნებს თვალყურს ამ საქმეს, აქტიურად მიადევნებს თვალყურს გამოძიებას. ბუნებრივია, თუ დადასტურდა ამ დანაშაულის ჩადენა, ჩვენ მოვითხოვთ და მოვუწოდებთ შესაბამის სტრუქტურებს, რომ ადეკვატურად მიეცეს პასუხისგებაში ის პირი, რომელიც გამოვლინდება”, - განაცხადა ანა დოლიძემ.
ცნობისათვის: ტელეკომპანია ,,იბერიას’’ წამყვანი გიორგი გასვიანი სამართალდამცველებს ფიზიკურ და სიტყვიერ შეურაცხყოფაში ადანაშაულებს.
ტელეწამყვანის ინფორმაციით, შემთხვევა ბორჯომში სასტუმრო ,,კროუნ პლაზას’’ მიმდებარე ტერიტორიაზე გვიან ღამით მოხდა. მას პოლიცილებმა იარაღი დაადეს და ფიზიკურად გაუსწორდნენ. ჟურნალისტი ყვება, რომ მას ცემის პარალელურად პოლიციელები აგინებდნენ. როდესაც გაირკვა, რომ გასვიანი ჟურნალისტი იყო, პოლიციელები მას დაემუქრნენ, რომ თუ ის ამ ამბავს გაახმაურებდა, ,,უარესი მოუვიდოდა.’’
მომხდარის შემდეგ გიორგი გასვიანს ბორჯომის პოლიციაში რამდენიმე საათის განმავლობაში კითხავდნენ.
თოქშოუ ,,პრიორიტეტის’’ წამყვანი გვიან ღამეს ბორჯომში გაეროს ადამიანის უფლებათა დაცვის სემინარზე მიდიოდა.
როგორც შინაგან საქმეთა სამინისტროში აცხადებენ, ფაქტთან დაკავშირებით გენერალურმა ინსპექციამ მოკვლევა დაიწყო. უწყების ინფორმაციით, მომხდართან დაკავშირებით გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
ნინო ექვთიმიშვილი