საზოგადოება

აქციაზე მოხდა ჩემი მოწამლვა, მომწამლეს ყავით - ზვიად კუპრავა

„სამართალდამცველთა რეფორმირების ცენტრის“ ხელმძღვანელის, ზვიად კუპრავას მტკიცებით, ის აქციების მსვლელობისას მოწამლეს.

მისი თქმით, აქციების დროს უსაფრთხოების თანამშრომელმა მას სასმელში საწამლავი ჩაუყარა.

„აქციაზე მოხდა ჩემი მოწამლვა. მომწამლეს ყავით. მე ამ დრომდე აღნიშნულ საქმესთან დაკავშირებით ვაგროვებდი მტკიცებულებებს. არის კონკრეტული მტკიცებულებები, რითაც შეუძლია პროკურატურას გავიდეს რეალურად დამკვეთზე და დამკვეთზე ზევით. საქმეში ფიგურირებს კონკრეტული პირი, რომელის სახელი და გვარი ცნობილია, ის არის სუს-ის მოქმედი თანამშრომელი“, - აცხადებს კუპრავა.