პოლიტიკა

არ ველოდები, რომ ეკა ბესელიას გარიცხვის საკითხი დადგება დღეს - ლევან კობერიძე

საპარლამენტო უმრავლესობის წევრის, ლევან კობერიძის განცხადეწბით, ის არ ელოდება, რომ ფრაქცია "ქართული ოცნების" დღევანდელ სხდომაზე ეკა ბესელიას გარიცხვის საკითხი დადგება.

„არ ველოდები, რომ ეკა ბესელიას გარიცხვის საკითხი დადგება დღეს. სხვადასხვა საკითხია განსახილველი. არ ველოდები ეკა ბესელიასთან დაკავშირებით მსჯელობას", - განაცხადა კობერიძემ.

ფრაქცია "ქართული ოცნების“ ოფისში სხდომა გაიმართება, რომელსაც მმართველი გუნდის თავმჯდომარე ბიძინა ივანიშვილი დაესწრება.

არსებული ინფორმაციით, განხილვის თემები სხვა საკითხებთან ერთად იუსტიციის საბჭოს მიერ წარდგენილი უზენაესი სასამართლოს მოსამართლეობის კანდიდატების სია და ზოგადად იუსტიციის საბჭოში შექმნილი ვითარება იქნება. ასევე სავარაუდოდ, განხილული იქნება ეკა ბესელიასა და პარლამენტის თავმჯდომარე ირაკლი კობახიძის მიერ ერთმანეთის მისამართით გაკეთებული კრიტიკული განცხადებები, სადაც კოლეგებმა ერთმანეთი არაგუნდურობაში დაადანაშაულეს.