პოლიტიკა
არავისზე გაბრაზებული ან იმედგაცრუებული არ ვარ, მაგრამ იქ იყო შეურაცხყოფა და ამაზე გული დამწყდა - გურამ კაშია (ვიდეო)
„მე ყოველთვის აგრესიის წინააღმდეგი ვარ“, - ასე გამოეხმაურა საქართველოს ნაკრების ვიცე-კაპიტანი და არნემის „ვიტესის“ კაპიტანი გურამ კაშია იმ რეაქციას, რაც ლგბტ საზოგადოების მიმართ მის მხარდაჭერას მოჰყვა საქართველოში. ფეხბურთელი ერედივიზიონის ერთ-ერთ თამაშში ლგბტ დროშის სამკლაურით გამოვიდა, რასაც მოჰყვა „ქართული მარშის“ აქცია და მოწოდებები კაშიას ნაკრებიდან გაშვების შესახებ.
„არავისზე გაბრაზებული ან იმედგაცრუებული არ ვარ. თავისუფლებაა და აზრის დაფიქსირების უფლება ყველას აქვს, მაგრამ იქ იყო შეურაცხყოფა. ამაზე გული დამწყდა, რა თქმა უნდა, ჩემი ოჯახიც განერვიულდა. იმით დავიღალე, რომ ყოველ წუთს ზარი შემოდის თბილისიდან და ყველა მეკითხება, რა ხდება. ამ დროს არაფერი არ მომხდარა“, -თქვა კაშიამ გადაცემა „სპორტის საათისთვის“ მიცემულ ინტერვიუში.
ანა მებურიშვილი