საზოგადოება

არჩევნების შემდეგ 40 000 ადამიანს შეუწყდა სოციალური დახმარება - ზურაბ ჭიაბერაშვილი

საპარლამენტო ფრაქცია „ევროპული საქართველოს“ წევრის, ზურაბ ჭიაბერაშვილის განცხადებით, 2016 წლის საპარლამენტო არჩევნების შემდეგ სოციალური დახმარებების მასობრივი მოხსნა დაიწყო.

„წინასაარჩევნო პერიოდის დროს მუდმივად იზრდებოდა შემწეობის მიმღებთა რაოდენობა და როგორც კი დასრულდა არჩევნები, დავით სერგეენკომ მკვეთრად დაიწყო შემწეობის მიმღებთა შემცირება და ოქტომბრიდან დღემდე 40 000 ადამიანს შეუწყდა საარსებო შემწეობა, ამიტომ „ევროპული საქართველო“ მოითხოვს, რომ დავით სერგეენკომ გააკეთოს განმარტება, რითი არის ეს განპირობებული“, - განაცხადა ჭიაბერაშვილმა.

ახსნა-განმარტებების გაკეთების გარდა, ჭიაბერაშვილმა მოითხოვა ჯანდაცვის სამინისტროსგან, აღუდგინოს შემწეობის მიღება ყველა სოციალურად დაუცველ ოჯახს.

ანა მებურიშვილი