უკან

პოლიტიკა

30 აპრილი, 2018 12:50
font-size

აშშ საქართველოს მხარს უჭერს უკვე მეოთხედი საუკუნეა, ერთად ვდგავართ და პარტნიორები ვართ - ვეს მიტჩელი

რუსეთთან დიალოგი აუცილებელია, ჩვენ ამისთვის მზად ვართ. თუმცა ნებისმიერ აგრესიას და სამხედრო მოქმედებას სწორ შეფასებას მივცემთ,- განაცხადა ამერიკის სახელმწიფო მდივნის თანაშემწე ვეს მიტჩელმა ნატო-საქართველოს სახალხო დიპლომატიის ფორუმის გახსნაზე სიტყვით გამოსვლისას.

მისი თქმით, საქართველოს ცივილიზაციისთვის სტრატეგიულად მნიშვნელოვანი საზღვარი უჭირავს.

„აუცილებლად ვიმუშავებთ იმისთვის, რომ ნებისმიერ სივრცეში და პოლიტიკაში რუსეთის უკანონო ჩარევა გამოვავლინოთ და ამას დავუპირისპირდებით როგორც საქართველო უპირისპირდება. საქართველოს ძალა ამ საფრთხის წინაშე ნამდვილად აღსანიშნავი და ჩვენთვის შთაგონების წყარო და მაგალითია. თქვენ ცივილიზაციისთვის სტრატეგიულად მნიშვნელოვანი საზღვარი გიჭირავთ. მე მინდა თქვენი პრემიერ-მინისტრის ზურაბ ჟვანიას სიტყვები მოვიშველიო „მე ვარ ქართველი, და მაშასადამე, ვარ ევროპელი”. ეს სიტყვები ყველასთვის შთაგონებაა“,- განაცხადა ვეს მიტჩელმა და აქვე, საქართველოს მთავრობას და პარლამენტს მოუწოდა, მართლმსაჯულების სისტემა და სასამართლოს დამოუკიდებლობა გააძლიერონ.

„თქვენ ინსტიტუციური რეფორმების გზაზე წინ აქტიურად მიიწევთ. ეს ძალიან ძლიერი და რთული გზაა. ეს დემოკრატიას, ინვესტიციას და ყველა ქართველის გულში რწმენას აძლიერებს.

საქართველომ ამ რეგიონში დემოკრატიული ქვეყნის სახელი დაიმკვიდრა. ჩვენ საქართველოს მთავრობას და პარლამენტს მოვუწოდებთ, მართლმსაჯულების სისტემა და სასამართლოს დამოუკიდებლობა გააძლიერონ. აუცილებლად უნდა იყოს არა მარტო რეფორმების განხორციელება, არამედ რეალურად პრაქტიკაში ასახვა“,- აღნიშნა მიტჩელმა.

მისივე თქმით, აშშ მხარს უჭერთ საქართველოს ვალდებულებას, რომ ძლიერი სამხედრო ბაზა და სისტემა ჩამოაყალიბოს.

„ნამდვილად, საქართველოს მთავრობას და მის პრემიერ-მინისტრს ვუწონებთ და მოვუწონებთ ეკონომიკის განვითარებისკენ გადადგმულ ნაბიჯებს. საქართველოს მთავრობა თავდაცვის სისტემის გაძლიერებისთვის მუშაობს და ამერიკის შეიარაღებულ ძალებთან მჭიდროდ თანამშრომლობს. ჩვენ მხარს ვუჭერთ საქართველოს ვალდებულებას, რომ ძლიერი სამხედრო ბაზა და სისტემა ჩამოაყალიბოს. ეს არა მხოლოდ საქართველოს თავდაცვის შესაძლებლობებისთვისაა ძალიან მნიშვნელოვანი, არამედ გლობალური უსაფრთხოებისთვის.

ამერიკელ სამხედრო ოფიცრებს ვესაუბრე და ისინი საქართველოს, როგორც პარტნიორს ძალიან მაღალ შეფასებას აძლევენ. საერთო მოსახლეობის მიხედვით, საქართველოს ყველაზე დიდი წვლილი შეაქვს სამხედრო მონაწილეობის თვალსაზრისით. ქვეყანას, თითოეულ ჯარისკაცს და ჯარისკაცების ოჯახებს, რომლების სისხლიც დაიღვარა, დიდ მადლობას ვუხდით. მზად ვართ, ამ რეგიონში უსაფრთხოების გასაძლიერებლად კიდევ მეტი ვიმუშაოთ. რაც უფრო ძლიერი ხართ თქვენ, დასავლეთი მით უფრო ძლიერია.

ამერიკა საქართველოს მხარს უჭერს უკვე მეოთხედი საუკუნეა, ერთად ვდგავართ და პარტნიორები ვართ. რუსეთის აგრესიის მეათე წელს დამოუკიდებლობას გილოცავთ და ამერიკასა და საქართველოს ხანგრძლივ პარტნიორობას და სიკეთეს ვუსურვებ”,- განაცხადა მიტჩელმა.

ეს იყო ქვეყნის დემოკრატიისთვის უკან გადადგმული ნაბიჯი - ნატო-ს საპარლამენტო ასამბლეის პრეზიდენტი

25 თებერვალი, 2020 , 19:06

ნატო-ს საპარლამენტო ასამბლეის პრეზიდენტი, ატილა მესტერჰაზი საქართველოში ბოლო პერიოდში მიმდინარე მოვლენებს გამოეხმაურა. ამის შესახებ გამოქვეყნებულია ოფიციალური განცხადება ნატოს საპარლამენტო ასამბლეის ოფიციალურ გვერდზ

დავით ზალკალიანი ევროპის საბჭოს გენერალურ მდივანს შეხვდა

25 თებერვალი, 2020 , 17:44

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან. შეხვედრაზე კიდევ ერთხელ წარ

შექმნილი სიტუაციის გამო, ხელისუფლება ცაიტნოტშია და დგას დიდი დილემის წინაშე - გელა კვაჭანტირაძე

25 თებერვალი, 2020 , 16:25

დამოუკიდებელ ექსპერტთა ასოციაციის თავმჯდომარემ - გელა კვაჭანტირაძემ ბოლო პერიოდის პოლიტიკურ მოვლენებთან დაკავშირებით განცხადება გააკეთა. „ როგორც ცნობილია, უკვე იწურება ის გონივრული ვადა, რომლის შემდეგ ხელისუფლებას

დავით ზალკალიანი შვედ კოლეგას შეხვდა

25 თებერვალი, 2020 , 15:05

საქართველოს საგარეო საქმეთა მინისტრი დავით ზალკალიანი გაერო-ს ადამიანის უფლებათა საბჭოს მაღალი სეგმენტის სესიის ფარგლებში შვედეთის საგარეო საქმეთა მინისტრს ან ლინდეს შეხვდა. ამის შესახებ „მედიანიუსს“ საგარეო

რა არის მოსალაპარაკებელი? ყველაფერი ცნობილია! - გიგა ბოკერია

25 თებერვალი, 2020 , 11:35

„რა არის მოსალაპარაკებელი? ყველაფერი ცნობილია! თუ რამე გადაწყვეტილება აქვთ ამის შეტყობინების საჯაროდ ან არასაჯაროდ უამრავი გზა არის,“ - ამის შესახებ „ევროპული საქართველოს“ ერთ-ერთმა ლიდერმა, გიგა

დადგა დრო ნატო-მ უპასუხოს ჩვენს მოთხოვნას ალიანსში გაწევრიანებაზე - გიორგი გახარია

25 თებერვალი, 2020 , 11:15

რუსეთი დღესაც ეწინააღმდეგება საქართველოს სრულფასოვან წევრობას ნატოში; სწორედ ახლა დადგა დრო, ნატომ უპასუხოს ჩვენს მოთხოვნას ნატოში გაწევრიანებასთან დაკავშირებით, - ამის შესახებ საქართველოს პრემიერ-მინისტრი გიორგი გახარია

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`