პოლიტიკა

აუცილებელია მომავალი სესიიდან მსვლელობა მივცეთ პროექტს, რომლის მიზანია დასწრების პრობლემის მოგვარება პარლამენტში - ირაკლი კობახიძე

პარლამენტის თავმჯდომარემ ირაკლი კობახიძემ განაცხადა, რომ საკანონმდებლო ორგანომ მალე უნდა მიიღოს ინიცირებული პროექტი, რომელიც პლენარული სხდომების გაცდენა-დაგვიანებასთან დაკავშირებულ ნორმებს გაამკაცრებს. ამის შესახებ კობახიძემ პლენარული სხდომის გახსნისას ისაუბრა, რადგან კვორუმის პრობლემის გამო ის ერთი საათით გვიან დაიწყო.

„სამწუხაროდ, დასწრებასთან და დაგვიანებასთან დაკავშირებით ვითარება დადებითისკენ დიდად არ შეცვლილა. შესაბამისად, ვფიქრობ, აუცილებელია მომავალი სესიიდან მსვლელობა მივცეთ პროექტს, რომელიც ინიცირებულია და რომელიც მიზნად ისახავს ამ პრობლემის მოგვარებას საქართველოს პარლამენტში“, - თქვა პარლამენტის თავმჯდომარემ.