პოლიტიკა

ავღანეთში კონტინგენტის შემცირება არ იგეგმება - მიხეილ ჯანელიძე

ავღანეთში კონტინგენტის შემცირება არ იგეგმება, - ასე უპასუხა საქართველოს საგარეო საქმეთა მინისტრმა, მიხეილ ჯანელიძემ საგარეო ურთიერთობათა და ევროპასთან ინტეგრაციის კომიტეტების ერთობლივ სხდომაზე "ნაციონალური მოძრაობის" წევრს თინათინ ბოკუჩავას.

ეს უკანასკნელი დაინტერესდა, თუ რატომ შემცირდა ჯარები ავღანეთში.

მიხეილ ჯანელიძის განცხადებით, ასეთი ინფორმაციის გავრცელებით შეცდომაში შეჰყავთ როგორც მოსახლეობა, ასევე პარტნიორები.

"არ შევიყვანოთ შეცდომაში ჩვენი მოსახლეობა, ჩვენი პარტნიორები. არანაირი შემცირება კონტინგენტის არ მომხდარა და არ იგეგმება", - განაცხადა მიხეილ ჯანელიძემ.

ნინო ექვთიმიშვილი