მსოფლიო
ავსტრიამ ქვეყანაში თურქეთის ეკონომიკის მინისტრი არ შეუშვა
ავსტრიის ხელისუფლებამ თურქეთის ეკონომიკის მინისტრს ნიხათ ზეიბეკჩის ქვეყანაში შესვლა აუკრძალა.
ზეიბეკჩის, ერთი წლის წინ თურქეთში არშემდგარ სამხედრო გადატრიალებასთან დაკავშირებულ ღონისძიებაში უნდა მიეღო მონაწილეობა,- წერს Reuters.
„შემიძლია დაგიდასტუროთ, რომ საგარეო საქმეთა მინისტრმა კურცმა, თურქეთის ეკონომიკის მინისტრს ქვეყანაში შესვლა აუკრძალა“,- განუცხადა რადიოსადგურ ORF-ს ავსტრიის საგარეო საქმეთა სამინისტროს ოფიციალურმა წარმომდგენელმა.
მისი თქმით, დაგეგმილი ღონისძიება „მასშტაბურია“, მინისტრის ვიზიტი კი, „ავსტრიის საზოგადოებრივ წესრიგსა და უსაფრთხოებას უქმნის საფრთხეს“.
ანალოგიური განცხადება ნიდერლანდების საგარეო საქმეთა სამინისტრომაც გააკეთა, რომელმაც თურქეთის ვიცე- პრემიერს ტუგრულა ტიურკეშს ქვეყანაში შესვლა აუკრძალა. ტიურკეშსაც არშემდგარ გადატრიალებასთან დაკავშირებულ ღონისძიებაში უნდა მიეღო მონაწილეობა.
ჰოლანდიის ხელისუფლებისთვის ვიცე-პრემიერის, ან თურქეთის ხელისუფლების სხვა წარმომადგენლის ვიზიტი არასასრუველია „ იმ ფონზე, რომელიც ორმხრივ ურთიერთობაშია შექმნილი“.
შეგახსენებთ, რომ მიმდინარე წლის მარტში, როდესაც თურქეთი რეფერნდუმისთვის ემზადებოდა, გერმანიისა და ნიდერლანდების მთავრობებმა თურქ მინისტრებს მათ ქვეყნებში სააგიტაციო ხასიათის შეხვედრების გამართვა აუკრძალეს.
მონიკა დავლიანიძე