სამართალი

ავთანდილ ხურციძეს ნიუ-იორკში 10-წლიანი პატიმრობა მიუსაჯეს

ქართველ მოკრივეს, ავთანდილ ხურციძეს ნიუ-იორკის სასამართლომ 10-წლიანი თავისუფლების აღკვეთა მიუსაჯა. Yahoo Sports-ის ჟურნალისტის, დენ ვეტცელის ინფორმაციით, ხურციძე რუსული კრიმინალური სინდიკატის წევრად ცნეს.

„ავთანდილ ხურციძეს, რომელმაც 2017 წელს WBO-ის ვერსიით საშუალო წონით კატეგორიაში დროებითი ჩემპიონის ტიტული მოიპოვა, 10-წლიანი თავისუფლების აღკვეთა მიუსაჯეს, როგორც საბჭოური ორგანიზებული კრიმინალური დაჯგუფების წევრს ნიუ-იორკში (იკითხება, როგორც სიუჟეტი HBO-ის ახალი სერიალისთვის)“, - დაწერა ვეტცელმა საკუთარ ტვიტერზე.

ცნობისთვის, 2018 წლის ივლისში ნიუ-იორკში 15 ქართველი დააკავეს, რომლებსაც ბრალი რუსული კრიმინალური სინდიკატის წევრობაში ედებათ. მათ შორის იყო ორი ქართველი სპორტსმენი - ავთანდილ ხურციძე და ლევან მაყაშვილი. მაყაშვილი მალევე გაათავისუფლეს.