საზოგადოება

ბადრი პატარკაციშვილის დედამ და დებმა სალომე ზურაბიშვილს 60-60 ათასი ლარი შესწირეს

ბიზნესმენ ბადრი პატარკაციშვილის ოჯახი საპრეზიდენტო კანდიდატ, სალომე ზურაბიშვილის დამფინანსებელთა რიგებში აღმოჩნდა.

რუსთავი 2-ის ინფორმაციით, გარდაცვლილი ბიზნესმენის დედამ და დებმა ზურაბიშვილს 60-60 ათასი ლარი შესწირეს.

ჯამში პატარკაციშვილებისგან "ოცნების" რჩეულმა საპრეზიდენტო კანდიდატმა, 180 ათასი ლარი მიიღო.
გარდა ამისა, სალომე ზურაბიშვილს "ქართუ ბანკისა" და "ქართუ ჯგუფის" ხელმძღვანელმა პირებმა 105 ათასი ლარი შესწირეს.

აქედან ბანკის გენერალურმა დირექტორმა - ნატო ხაინდრავამ ზურაბიშვილს 30 000 ლარი გადაურიცხა, გოჩა ჩიკვილაძემ - "ქართუ ჯგუფის" აღმასრულებელმა დირექტორმა - 25 000 ლარი, დავით გალუაშვილმა, "ქართუ ბანკის" ოპერაციების დირექტორმა - 25 000 ლარი, ზურაბ გოგუამ, ბანკის რისკების დირექტორმაც ასევე 25 000 ლარი.