უახლესი ამბები
- 29.03.2024 16:06ძალადობის, მუქარისა და იძულების ფაქტებზე დაკავებულია სპეციალური პენიტენციური სამსახურის უფროსი ინსპექტორი
- 29.03.2024 15:10ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა
- 29.03.2024 14:52მთავრობის მიზანია, შევინარჩუნოთ მაღალი ეკონომიკური ზრდის მაჩვენებელი და ეკონომიკური ზრდა გავხადოთ უფრო მეტად ინკლუზიური - ვახტანგ ცინცაძე
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:46თავდაცვის მინისტრი საქართველოში ესტონეთის ელჩს შეხვდა
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
სამართალი
ბადრი პატარკაციშვილის საქმეზე სისხლისსამართლებრივი დევნა შესაძლოა, დავით ახალაიას მიმართაც დაიწყოს
როცა გამოძიებას შესაბამისი მტკიცებულებები ექნება, არ გამოვრიცხავ, სისხლისსამართლებრივი დევნა კუდ-ის ყოფილი ხელმძღვანელის, დავით ახალაიას მიმართაც დაიწყოს, – განაცხადა ,,პირველი არხის“ ეთერში საქმის პროკურორმა, დავით გუმბერიძემ.
„ამ ეტაპზე, არ არის საკმარისი მტკიცებულებები შეკრებილი, რომ გახდეს დასაბუთებული ვარაუდის სტანდარტი და დავით ახალაიას მიმართ სისხლის სამართლებრივი დევნა დაიწყოს. მოცემულ შემთხვევაში, გამოძიებით დადგინდა ის დანაშაული, რაც კონკრეტულად სამი ბრალდებულის ქმედებას უკავშირდებოდა“, – განაცხადა გუმბერიძემ.
ამ განცხადებით პროკურორმა გადაცემის წამყვანის შეკითხვას უპასუხა, რატომ არ მოხდა ბრალის დაუსწრებლად წარდგენა კუდ-ის ყოფილი უფროსის, დათა ახალაიას მიმართ, რადგან ჩანაწერებში მასაც ახსენებენ.
შეკითხვაზე, შეიძლება თუ არა, პროკურატურამ ბრალი წაუყენოს ყოფილ პრეზიდენტ მიხეილ სააკაშვილს, რომლის გვარსაც ჩანაწერის ფიგურანტები ასახელებენ, საქმის პროკურორმა განაცხადა, რომ პროკურატურა საქმეს ჯერ კიდევ იძიებს, მათ შორის, მაღალი თანამდებობის პირების მიმართ და როდესაც ახალი გარემოებები დადგინდება, ნებისმიერი პირის მიმართ შესაბამისი სამართლებრივი რეაგირება მოხდება.
შეკითხვაზე, არსებობს თუ არა ამ საქმეზე სხვა ფარული ჩანაწერები და უნდა ველოდოთ თუ არა მომავალში მათ გამოქვეყნებას, დავით გუმბერიძემ განაცხადა, რომ კონკრეტულად ამ ბრალდებასთან დაკავშირებით მხოლოდ ეს ორი ჩანაწერი არსებობს, რაც გამოქვეყნდა.