რეგიონები

ბათუმში განვითარებული მოვლენების დროს დაკავებულ 9 პირს პატიმრობა შეეფარდა

11-12 მარტს, ბათუმში განვითარებული მოვლენების დროს დაკავებული 9 პირის მიმართ მოსამართლე თამარ ბეჟანიშვილმა გადაწყვეტილება გამოაცხადა.

მოსამართლის განცხადებით, ბრალდებულები საპატიმროში წელიწადნახევარს გაატარებენ. მოსამართლემ აღნიშნული გადაწყვეტილება მხარეებს შორის შემდგარი საპროცესო შეთანხმების თანახმად მიიღო. პროკურატურამ საპროცესო შეთანხმება სასამართლოს დღეს წარუდგინა. დაკავებულებმა დანაშაული აღიარეს.

დაკავებულებს ბრალი ორი მუხლით აქვთ წარდგენილი. კერძოდ, „სისხლის სამართლის კოდექსის“ 225-ე მუხლით, რაც მასობრივ არეულობას გულისხმობს და 353-ე პრიმა მუხლით, რაც ითვალისწინებს პოლიციელზე თუ ხელისუფლების სხვა წარმომადგენელზე ან საჯარო დაწესებულებაზე თავდასხმას.