უკან

უახლესი ამბები

დღის კალენდარი

ანონსები

არქივი

რეგიონები

7 ივნისი, 2017 17:00
font-size

ბათუმში საგნობრივ ოლიმპიადაში გამარჯვებულ მოსწავლეთა დაჯილდოება გაიმართა

ბათუმში, სასტუმრო ლეოგრანდში დღეს 2016 წელს საგნობრივ ოლიმპიადაში და კონკურსებში სხვადასხვა ნომინაციაში გამარჯვებული მოსწავლეების, მასწავლებლებისა და სკოლების საზეიმო დაჯილდოება გაიმართა.

აჭარის მთავრობის ინფორმაციით, დაჯილდოების ღონისძიებას აჭარის მთავრობის თავმჯდომარე ზურაბ პატარაძე აჭარის განათლების, კულტურისა და სპორტის მინისტრთან ინგა შამილიშვილთან, აჭარის უმაღლესი საბჭოს განათლების კომისიის თავმჯდომარესთან ვლადიმერ მგალობლიშვილთან და განათლების სამინისტროს სხვა წარმომადგენლებთან ერთად დაესწრო.

მთავრობის თავმჯდომარემ მოსწავლეებს ოლიმპიადაში გამაჯვება მიულოცა და მომავალში წარმატებები უსურვა.

,,ძალიან მნიშვნელოვანი დღეა. მიხარია, რომ ჩვენი რეგიონი ლიდერობს.

დღეს ვაჯილდოვებთ საგნობრივ ოლიმპიადაში და კონკურსებში სხვადასხვა ნომინაციაში გამარჯვებულ 101 მოსწავლეს და 5 გამარჯვებულ სკოლას. ეს არის ჩვენი წარმატება, ჩვენი რეგიონის გამარჯვება. მადლობა მინდა გადავუხადო თითოეულ ადამიანს, ვინც ჩართულია ამ პროექტში; სამინისტროს, პედაგოგებს, ბავშვებს. ამ ოლიმპიადაში მონაწილეობა უკვე გამარჯვებაა, ვინაიდან მიღებული ცოდნა და ინტერესი მომავალში დიდი წარმატების მიღწევაში დაეხმარებათ. მნიშვნელოვანია ჩვენი მომავალი თაობის სწორი მიმართულებით აღზრდა, სწორი ინვესტიციების განხორციელება. ეს არის ჩვენი რეგიონის, ჩვენი ქვეყნის სტრატეგია. ხაზგასმით მინდა აღვნიშნო, რომ ჩვენს ქვეყანაში ცოდნით, შრომითა და მიზანსწრაფულობით შესაძლებელია წარმატებას მიაღწიო. კიდევ ერთხელ ვულოცავ დღევანდელ დღეს ყველა გამარჯვებულს“ - აღნიშნა ზურაბ პატარაძემ მილოცვისას.

კონკურსები და საგნობრივი ოლიმპიადა ჩატარდა ორ ტურად, რომელშიც სულ 15 ათასამდე მოსწავლე მონაწილეობდა. საბოლოოდ, საგნობრივ ოლიმპიადაში 101 გამარჯვებული მოსწავლე და 5 გამარჯვებული სკოლა გამოვლინდა.

დაწყებითი და საბაზო საფეხურის მოსწავლეებისათვის (ქართული ენისა და ლიტერატურის, მათემატიკისა და ისტორიისა და სამოქალაქო განათლების) კონკურსში გამოვლინდა 15 გამარჯვებული გუნდი.

საგნობრივ ოლიმპიადაში გამარჯვებული მოსწავლეები პლანშეტებითა ( ტაბლეტები) და დიპლომებით დაჯილდოვდნენ, ხოლო კონკურსებში გამარჯვებული მოსწავლეები - მხატვრული ლიტერატურითა და დიპლომებით.

აღნიშნული ღონისძიება აჭარის ავტონომიური რესპუბლიკის განათლების, კულტურისა და სპორტის სამინისტროს პროგრამის "განათლების ხარისხის გაუმჯობესება“ ქვეპროგრამის "კონკურსები და ოლიმპიადები“ ფარგლებში გაიმართა.

დაბა სტეფანწმინდაში ალექსანდრე ყაზბეგის სახელობის ისტორიული მუზეუმის რეაბილიტაცია იწყება

20 სექტემბერი, 2019 , 11:20

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, მსოფლიო ბანკის მხარდაჭერით, დაბა სტეფანწმინდაში ალექსანდრე ყაზბეგის სახელობის ისტორიული მუზეუმის კომპლექსში შემავალი სამ

კახეთში გასული დღე-ღამის განმავლობაში 11 ათასი ტონა ყურძენი გადამუშავდა

20 სექტემბერი, 2019 , 11:00

კახეთში „რთველი 2019“-ის პროცესში, გასული დღე-ღამის განმავლობაში 11 ათასი ტონა ყურძენი გადამუშავდა, რაც ბოლო 30 წლის ყველაზე მაღალი მაჩვენებელია. ამის შესახებ „მედიანიუსს“ გარემოს დაცვისა და სოფლი

სამეგრელოს რეგიონში თხილის საშრობ-სასაწყობო ახალი საწარმო გაიხსნა

20 სექტემბერი, 2019 , 11:00

ზუგდიდის მუნიციპალიტეტის სოფელ კოკში, თანამედროვე სტანდარტებით აღჭურვილი თხილის საშრობ-სასაწყობო საწარმო ამოქმედდა. საწარმოს თხილის საშრობის წარმადობა 1 000 ტონას, ხოლო შესანახი მეურნეობის - 500 ტონას შეადგენს. საწარმოში

ქუთაისში მოსწავლეები დაშავდნენ

19 სექტემბერი, 2019 , 16:25

ქუთაისის ცენტრალურ ბაღში, აკაკი წერეთლის სახელმწიფო უნივერსიტეტის სამეცნიერო პიკნიკზე ხუთი მოსწავლე დაშავდა. ამის შესახებ საქრთველოს პირველი არხი იტყობინება. ბავშვებმა დაზიანებები ქიმიური ლაბორატორიის ცდის ჩატარების დროს

ლევან დავითაშვილი ღვინის კომპანიების ხელმძღვანელებს შეხვდა

19 სექტემბერი, 2019 , 10:55

საქართველოს გარემოს დაცვისა და სოფლის მეურნეობის მინისტრი ლევან დავითაშვილი თელავში, რთველის საკოორდინაციო შტაბში ღვინის კომპანიების ხელმძღვანელებს შეხვდა და რთველის პროცესში მათი ჩართულობის თაობაზე ინფორმაცია მიიღო. მინ

ხარაგაულში მამაკაცი კრაზანის ნაკბენით გარდაიცვალა

18 სექტემბერი, 2019 , 14:25

ხარაგაულში, სოფელ ნადაბურში 65 წლის მამაკაცი კრაზანის ნაკბენით გარდაიცვალა. არსებული ინფორმაციით, მამაკაცი ალერგიის საწინააღმდეგო ნემსის გაკეთებისთანავე გარდაიცვალა, რადგან კრაზანამ კისერში, არტერიაზე დანესტრა. ფაქტს ადა

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს