მსოფლიო

ბელგიაში შეიარაღებულმა პირმა 3 ადამიანი მოკლა - მომხდარს ტერორისტულ აქტად განიხილავენ

ბელგიის აღმოსავლეთით, ქალაქ ლიეჟეში შეაიარაღებული პირის თავდასხმის შედეგად სამი ადამიანი - ორი პოლიციელი და ერთი სამოქალაქო პირი დაიღუპა. დაშავდა კიდევ 2 პოლიციიელი.

თავდსხმელი ლიკვიდირებულია. სანამ მას პოლიცია მოკლავდა, თავდასხმელმა მძევალი აიყვანა. აღნიშნულ ინციდენტს ტერორისტულ აქტად განიხილავენ.

ადგილობრივი მედია პოლიციაზე დაყრდნობით წერს, რომ თავდასხმელი არაბულად ალაჰს ადიდებდა.

ბელგიის მაუწყებელ RTBF-ის ინფორმაციით, თავდასხმელი ცოტა ხნის წინ გაუშვეს ციხიდან, სადაც ის სასჯელს იხდიდა ნარკოდანაშაულის გამო. გავრცელებული ინფორმაციით, თავდასხმლის შესაძლო რადიკალიზაცია ციხეში ყოფნის დროს მოხდა.