უკან
უახლესი ამბები
არქივი
მსოფლიო
23 მარტი, 2017 18:45
ბელგიის ქალაქ ანტვერპენში შესაძლო ტერაქტი აღმოფხვრეს
ბელგიის ქალაქ ანტვერპენში ერთი პირი დააკავეს, რომელიც ხალხით სავსე სავაჭრო ქუჩაზე მანქანით შევარდნას ცდილობდა. ამის შესახებ ბიბისი წერს.
ანტვერპენის პოლიციის უფროსის, სერჟ მაიტერსის თქმით, დაკავებული წარმოშობით ჩრდილოეთ აფრიკიდანაა. ბიბისის ცნობით, მანქანას ფრანგული ნომერი აქვს.
დაზარალებულების შესახებ ამ დრომდე ინფორმაცია არ ვრცელდება.
შემთხვევა ლონდონის ტერაქტის მეორე დღეს მოხდა, როცა ლონდონის ცენტრში, ვესტმინსტერის სააბატოსთან ფეხით მოსიარულეებს მანქანა დაეჯახა. ინციდენტს 4 ადამიანი ემსხვერპლა, ხოლო 40-მდე დაშავდა. შემთხვევაზე პასუხისმგებლობა ტეროისტულმა ორგანიზაციამ ისლამურმა სახელმწიფომ აიღო.
ანა მებურიშვილი