პოლიტიკა

ბიძინა ივანიშვილი იყო ის ადამიანი, რომელიც მოითხოვდა ისტერიკულად 7 ნოემბერს იმედის დარბევას - ნიკა გვარამია

„ბიძინა ივანიშვილი იყო ის ადამიანი, რომელიც მოითხოვდა ისტერიკულად 7 ნოემბერს იმედის დარბევას“,- ამის შესახებ „რუსთავი 2“-ის გენერალურმა დირექტორმა, ნიკა გვარამიამ გადაცემა „კვირის აქცენტებში“ განაცხადა.

გვარამიას თქმით, ბადრი პატარკაციშვილის საქმეზე მთავარ პროკურატურაში ის იყო პასუხისმგებელი პირი. მისივე განცხადებით, საქმის შესახებ ინფორმაციას ბიძინა ივანიშვილს ელექტრონული ფოსტის საშუალებით აწვდიდა.

„სხვათა შორის, 7 ნოემბერზე რომ ხშირად ვსაუბრობთ და შეცდომები დაუშვა მაშინ ხელისუფლებამ, სწორედ ბიძინა ივანიშვილი იყო ის ადამიანი, რომელიც მოითხოვდა ისტერიკულად 7 ნოემბრის ამბების ისე დასრულებას, იმედის დარბევასა და ასე შემდეგ.

პატარკაციშვილის მიმართ ჩემი პოზიცია მაქვს და არასდროს არ შემეცვლება, მაგრამ პატარკაციშვილის უფრო დაცინვა, გარდა იმისა, რომ ბიძინა ივანიშვილი გამოაცხადო გულშემატკივრად, არ წარმომიდგენია. მთავარი მოზიზღარი იყო მისი, არავინ ისე არ ეზიზღებოდა ბიძინა ივანიშვილს, იმაზე მეტად და არავისი ისე არ ეშინოდა, როგორც ბადრის. თუ ვინმე ფულის გადამხდელი იყო ბადრის მკვლელობაში, იყო ბიძინა ივანიშვილი.

მე ვმუშაობდი ბადრი პატარკაციშვილის საქმეზე, პასუხისმგებელი პირი ვიყავი საქართველოს პროკურატურაში. მე ხომ ვიცი, ვის ვუგზავნიდით პირველ იმეილებს, რომ დაწყნარდით, ყველაფერი წესრიგშია, ბატონო ბიძინა. ბიძინა ივანიშვილია, რომელიც მოითხოვდა დახვრეტას ბადრისი, მოკვლას, გადაშენებას და ასე შემდეგ“,- განაცხადა გვარამიამ.