უკან

დღის კალენდარი

ანონსები

არქივი

ეკონომიკა

12 ივლისი, 2018 15:35
font-size

ჭარბვალიანობის ძირითადი პრობლემა წამოვიდა სწორედ არასაბანკო სექტორიდან - ეროვნული ბანკის ვიცე-პრეზიდენტი

ეროვნული ბანკის ვიცე-პრეზიდენტის, არჩილ მესტვირიშვილის განცხადებით, ჭარბვალიანობის პრობლემაზე მათ მთავრობასთან ერთად დაიწყეს მუშაობა 2016 წლის მეორე ნახევრიდან.

„ჩვენ ამ საკითხზე მუშაობა მთავრობასთან ერთად აქტიურად დავიწყეთ 2016 წლის მეორე ნახევრიდან, რამდენიმე ნაბიჯი 2016 წლის ბოლოსვე გადაიდგა. წარდგენილი საკანონმდებლო პაკეტი კი ჭარბვალიანობისგან თავის არიდების გზაზე კიდევ ერთი მნიშვნელოვანი ნაბიჯია“, – განაცხადა მესტვირიშვილმა.

მესტვირიშვილის თქმით, პარლამენტმა 2018 წლის დასაწყისში მთავარი გადაწყვეტილება მიიღო, რომლითაც ეროვნულ ბანკს უფლება მისცა, გაუწიოს ზედამხედველობა არასაბანკო სექტორსაც. ეროვნული ბანკის ვიცე-პრეზიდენტის მტკიცებით, ჭარბვალიანობის პრობლემა სწორედ არასაბანკო სექტორიდან წამოვიდა.

„ჭარბვალიანობის ძირითადი პრობლემა წამოვიდა სწორედ არასაბანკო სექტორიდან, რადგან ინტერნეტით ფინანსური სერვისების ხელმისაწვდომობა ძალიან მარტივი გახდა, ამას მოჰყვა აგრესიული მარკეტინგი, რამაც საბოლოოდ, ამ პრობლემამდე მიგვიყვანა“,– ახსნა მესტვირიშვილმა.

მისი განცხადებით, წინა წელთან შედარებით, ონლაინ სესხებისა და სწრაფი დაკრედიტების კუთხით მდგომარეობა მნიშვნელოვნად არის შეცვლილი.

„თუმცა ეს არასაკმარისია და ამ მიმართულებით მუშაობა გაგრძელდება, სანამ ჭარბვალიანობა და მოსახლეობის უფლებების დაცვა უკვე მისაღებ დონეზე არ იქნება“, – განაცხადა მესტვირიშვილმა და აღნიშნა, რომ ყველა სესხის გამცემის მიმართ თანაბარი მიდგომა იარსებებს, რათა მსესხებელი დაცული იყოს.

დღეს საქართველოს ადვოკატთა ასოციაციის ორგანიზებით, ჭარბვალიანობასა და სასესხო-საკრედიტო რეგულაციებთან დაკავშირებით მრგვალი მაგიდა გაიმართა, რომელიც ასოციაციის თავმჯდომარემ, დავით ასათიანმა გახსნა. შეხვედრაზე ასოციაციამ სასესხო-საკრედიტო საკითხებზე სამართლებრივი მექანიზმების დახვეწის მიზნით, წინადადებები წარადგინა.

უცხოური ვალუტის ოფიციალური კურსი

21 იანვარი, 2019 , 17:13

21 იანვრის ვაჭრობის შედეგად აშშ დოლარი გაუფასურდა და 2.6613 ლარი შეადგინა. კურსი, რომელიც დღეს მოქმედებდა, 2.6629 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0, 0016თეთრი შეადგინა. გაუფასურდა

საქართველოს ეროვნული ბანკი სავალუტო აუქციონის შედეგებს აქვეყნებს

21 იანვარი, 2019 , 16:20

2019 წლის 21 იანვარს გამართულ საქართველოს ეროვნული ბანკის სავალუტო აუქციონზე სებ-მა 15 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6618 შეადგინა.

თავისუფალი ვაჭრობის წარმატებით დასრულებული მოლაპარაკებები ქართული პროდუქციის გასაღების ბაზრების გაფართოებას უწყობს ხელს - გენადი არველაძე

21 იანვარი, 2019 , 14:48

„თავისუფალი ვაჭრობის წარმატებით დასრულებული მოლაპარაკებები ხელს უწყობს ქართული პროდუქციის გასაღების ბაზრების გაფართოებას და ქმნის საექსპორტო პოტენციალის დამატებითი ზრდის შესაძლებლობას. ამასთან, საქართველოს მთავრობი

საქართველოდან სიგარეტის ექსპორტი 251 პროცენტით გაიზარდა

21 იანვარი, 2019 , 12:42

საქსტატის მონაცემებით, საქართველოდან 2018 წელს სიგარეტის ექსპორტი 251 პროცენტით გაიზარდა და 148 მილიონი დოლარი შეადგინა. საუბარია რეექსპორტზე, ანუ პროდუქციაზე, რომელიც საქართველოში შემოდის და შემდეგ ექსპორტზე გადის. სიგა

ქვემო ქართლის მეწარმეებს გავაცანით შესაძლებლობები, რომელიც მათთვის ევროკავშირთან თავისუფალი ვაჭრობის შეთანხმებას მოაქვს - გენადი არველაძე

19 იანვარი, 2019 , 15:38

საქართველოში ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) მიმდინარეობას შეეხებოდა შეხვედრა, რომელშიც ეკონომიკისა და მდგრადი განვითარების მინისტრის მოადგილე გენადი არველაძემ

საქართველოს ეროვნული ბანკის სავალუტო აუქციონის შედეგი

18 იანვარი, 2019 , 16:29

2019 წლის 18 იანვარს გამართულ საქართველოს ეროვნული ბანკის სავალუტო აუქციონზე სებ-მა 15 000 000 აშშ დოლარი შეისყიდა. საშუალო შეწონილმა გაცვლითმა კურსმა 2.6632 შეადგინა.

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`