უკან

უახლესი ამბები

დღის კალენდარი

ანონსები

არქივი

პოლიტიკა

7 თებერვალი, 2018 17:05
font-size

ჩემთვის კანდიდატის აცილების მოთხოვნის დაყენება უფლებამოსილების ბოროტად გამოყენებაა - ნაზი ჯანეზაშვილი ანა დოლიძის აცილებაზე

იუსტიციის უმაღლესი საბჭოს არამოსამართლე წევრის, ნაზი ჯანეზაშვილის განცხადებით, უვადო მოსამართლეობის მსურველ კანდიდატებთან გასაუბრებაზე საბჭოს წევრი შოთა ქადაგიძე მას არაკორექტულად ესაუბრებოდა, რამაც აიძულა, პროცესი დროებით დაეტოვებინა.

საბჭოს არამოსამრთლე წევრის განმარტებით, ქადაგიძის გაღიზიანება გამოიწვია ჯანეზაშვილის კრიტიკა ლეილა მამულაშვილის შუამდგომლობასთან დაკავშირებით, რომელმაც ანა დოლიძეს აცილება მოითხოვა.

„შოთა ქადაგიძე სრულიად ამოვარდნილია საბჭოს წევრის სტატუსიდან. მგონი, არც იცის, რომ საბჭოს წევრია, იმდენად არაკორექტულად იქცევა საბჭოს წევრის მისამართით და არაკორექტულად მომმართა. თამჯდომარეს ვთხოვე, შეეხსენებინა მისი ვალდებულებები. საკმაოდ ძველი ბიჭები გვყავს საბჭოში. სამწუხაროდ, საქმის გარჩევებიც მიდის.

ჩემთვის მიუღებელია, როდესაც საბჭოს წევრი მომმართავს ისე, როგორც სხვა ტიპის ადამიანებს მიმართავენ. ჩემი პოზიცია გამოვხატე ლეილა მამულაშვილის შუამდგომლობასთან (მამულაშვილმა ანა დოლიძის აცილება მოითხოვა) დაკავშირებით და მიმაჩნია, რომ ეს არის დაუსაბუთებელი, თუმცა ისიც აღვნიშნე, რომ „ადეიშვილის ნარჩენებთან“ დაკავშირებით დოლიძის პოზიციას არ ვიზიარებ.

ამაზე კითხვამ კრიტიკული დამოკიდებულება გამოიწვია. შოთა ქადაგიძე, რომელიც გამოირჩევა მოსამართლე წევრების პოზიციის მხარდაჭერით, ჩემი აზრით, მათი დავალებების შემსრულებელია“,- განაცხადა ჯანეზაშვილმა.

ჯანეზაშვილის თქმით, „საკმაოდ ძველი ბიჭები გვყავს საბჭოში, სამწუხაროდ, საქმის გარჩევებიც მიდის“.

მისივე შეფასებით, საბჭოს წევრები ცდილობენ, კრიტიკულად მოაზროვნე წევრებზე ზეწოლა მოახდინონ და გააჩუმონ.

„დილით, გასაუბრების გახსნამდე, სერგო მეთოფიშვილმა, რომელიც თბილისის საქალაქო სასამართლოში მოსამართლე და ერთ-ერთი კოლეგიის თავმჯდომარეა, ამავდროულად საბჭოს წევრიც არის, ჩემგან პასუხები მოითხოვა იმაზე, თუ რატომ მივეცი მედიას კომენტარი, რომ ისინი ეთიკის ნორმებს არღვევენ. დიახ, ახლაც ვაცხადებ, რომ ისინი ეთიკის ნორმებს არღვევენ, რომელიც მოსამართლეთა კონფერენციის მიერაა მიღებული. მეორე მხრივ, ნებისმიერი მოქმედება, რომელსაც ისინი დღეს ახორციელებენ, არის საშიში, ვინაიდან ცდილობენ, რომ გააჩუმონ სხვა წევრები, რომლებიც საერთოდ რამეზე საუბრობენ და ამავდროულად კრიტიკულები არიან. როგორც იცით, ჩვენთან გვაყავს მდუმარე წევრები, რომლებიც საერთოდ ხმას არ იღებენ სხდომებზე და კომენტარებითაც არ გამოირჩევიან. როგორც ვიცით, მხოლოდ ორი მოსამართლე წევრი აკეთებს ხოლმე კომენტარს და ისიც, ალბათ, წინასწარ არის დაგეგმილი“, -უთხრა საბჭოს არამოსამართლე წევრმა ჟურნალისტებს.

რაც შეეხება უვადო მოსამართლეობის მსურველი კანდიდატების გასაუბრების პროცესიდან იუსტიციის უმაღლესი საბჭოს არამოსამართლე წევრის, ანა დოლიძის აცილებას, ჯანეზაშვილმა ეს საშიშ ტენდენციად შერაცხა.

„ეს არის საშიში ტენდენცია, როდესაც ანა დოლიძე ჩამოაცილეს პროცესს. შესაძლოა, ამგვარი კამპანია კვლავ გაგრძელდეს, რომელიც შეთანხმებულია იმ კანდიდატებსა და მოსამართლე წევრებს შორის, რომლებსაც დღეს როგორც ერთ გუნდად წარმოდგენილს ვხედავთ. ჩემთვის კანდიდატის აცილების მოთხოვნის დაყენება უფლებამოსილების ბოროტად გამოყენებაა, ვინაიდან მათი შუამდგომლობები დაუსაბუთებელია", - განაცხადა ჯანეზაშვილმა.

იუსტიციის უმაღლესი საბჭოს მოქმედმა წევრმა და უვადო მოსამართლეობის კანდიდატმა, რევაზ ნადარაიამ და მოსამართლე მერაბ ლომიძემ ანა დოლიძის აცილება მოითხოვეს მისი განცხადების გამო. გუშინ დოლიძემ თქვა, რომ „ზურაბ ადეიშვილის ნარჩენები“ სასამართლო ხელისუფლებაში კონტროლისა და ძალაუფლების შენარჩუნებას ცდილობენ.

საქართველოს უნგრეთის საგარეო საქმეთა მინისტრი ეწვევა

6 ივლისი, 2020 , 08:38

საქართველოს 6 ივლისს ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. საქართველოს საგარეო საქმეთა სამინისტროს ინფორმაციით, ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამ

საქართველოს უნგრეთის საგარეო საქმეთა მინისტრი ეწვევა

5 ივლისი, 2020 , 10:35

საქართველოს 6 ივლისს ვიზიტით ეწვევა უნგრეთის საგარეო საქმეთა და ვაჭრობის მინისტრი პიტერ სიიარტო. საქართველოს საგარეო საქმეთა სამინისტროს ინფორმაციით, ვიზიტის ფარგლებში უნგრეთის საგარეო უწყების ხელმძღვანელი შეხვედრებს გამ

მოვუწოდებთ თურქეთის ხელისუფლებას, არ მიიღოს გადაწყვეტილება, რომელიც გაართულებს თურქეთის საგარეო-პოლიტიკურ მდგომარეობას - შალვა ნათელაშვილი

4 ივლისი, 2020 , 15:10

მოვუწოდებთ თურქეთის ხელისუფლებას, არ მიიღოს გადაწყვეტილება, რომელიც გაართულებს თურქეთის საგარეო პოლიტიკურ მდგომარეობას, მათ შორის საქართველოსთან სამომავლო ურთიერთობაშიც შეიტანს ბზარებს, – ამის შესახებ „ლეიბორ

„ქართული ოცნება” განწირულია ოპოზიციაში გადასვლისთვის - გიორგი კანდელაკი

3 ივლისი, 2020 , 16:55

“რაც უნდათ, ის დაგვიძახონ. ეს ვერ უშველის მათ გარდაუვალი მარცხისგან და ჩვენი ხალხის ნების განხორციელებისგან”, - ამის შესახებ “ევროპული საქართველოს” წევრმა, გიორგი კანდელაკმა განაცხადა. მისი თქმით,

რეფორმები ჩვენი ნორმალური მდგომარეობა უნდა გახდეს - გიორგი გახარია

3 ივლისი, 2020 , 15:20

საპარლამენტო რესპუბლიკა და პროპორციული საარჩევნო სისტემა არის თანამედროვე დემოკრატიის ერთ-ერთი ყველაზე მაღალი მახასიათებელი, ამან ფუნდამენტურად უნდა შეცვალოს ჩვენი პოლიტიკური ველი, ჩვენი პოლიტიკური კულტურა, - ამის შესახე

„მომეწონა ხელისუფლებაში ყოფნა, ქვეყნის ძარცვა, კორუფცია გადასარევია და ამიტომ უნდა დავრჩე“ - სავარაუდოდ ეს იქნება „ქართული ოცნების“ ბოლო საარჩევნო დაპირება - დავით ჭიჭინაძე

3 ივლისი, 2020 , 12:55

„მომეწონა ხელისუფლებაში ყოფნა, ქვეყნის ძარცვა, კორუფცია გადასარევია და ამიტომ უნდა დავრჩე“ - სავარაუდოდ ეს იქნება „ქართული ოცნების“ ბოლო საარჩევნო დაპირება, სხვა აღარაფერი დაიტოვეს, - ამის შესახებ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე