უკან
რეგიონები
27 მაისი, 2019 10:50
ჭიათურაში, მაღაროელების პროტესტი გრძელდება
ჭიათურაში, მაღაროელების პროტესტი გრძელდება. ისინი ქალაქიდან „ჯორჯიან მანგანეზის“ წარმომადგენლების წასვლას ითხოვენ.
ამ დრომდე მაღაროელებსა და დამსაქმებელს შორის შეთანხმება ვერ შედგა.
"დამატებული არაფერი არ არის, 15-ს პლუს ათია ისევ და ამან გამოიწვია აგრესია. 30%-ს თუ მოამატებენ და 50%-ს თუ მოამატებენ, ვინც უნდათ ის ამუშაონ. ჩვენი მთავარი მოთხოვნა არ არის მაინც და მაინც ამათი წასვლა. ჩვენი მოთხოვნაა 50%-ით მატება. დათმობაზე წავიდნენ 30%-ს ითხოვენ და ესეც არ მოუმატეს, ამიტომ გამოიწვია აგრესია და ამიტომ ითხოვენ ამათ წასვლას" - აღნიშნა ერთ-ერთმა მაღაროელმა.
შეგახსენებთ, რომ მაღაროელები 11-ე დღეა შიმშილობენ და მათი პროტესტის ძირითადი მიზეზი სამუშაო პირობების გაუმჯობესება და ხელფასების მომატებაა.