უკან

პოლიტიკა

1 ივნისი, 2018 15:55
font-size

ჩვენ ბუნებრივად მივყვებით ამ პროცესებს და ბუნებრივად გამოჩნდება, რა ფინალი ექნება ამ ყველაფერს - ზვიად კუპრავა

„ჩვენ გუშინ გეგმები არ გვქონია და დღესაც არ გვაქვს“, -ამის შესახებ ხორავას ქუჩაზე მოკლული დავით სარალიძის მამის, ზაზა სარალიძის უფლებადამცველმა ზვიად კუპრავამ განაცხადა.

მისი თქმით, მთავრობის გადაყენების მოთხოვნა გუშინდელ აქციაზე შეკრებილი ხალხისგან წამოვიდა.

„განაჩენის გამოცხადების შემდეგ ზაზამ გადაწყვიტა, მისულიყო მთავარ პროკურატურაში და დაესვა კითხვები იმდროინდელი მთავარი პროკურორისთვის, „ვინ მოკლა ჩემი შვილი“. ჩვენ ვნახეთ, რომ ზაზას გაჰყვა 10 000-ობით ადამიანი. მას შემდეგ, რაც ხალხმა მიაღწია მიზანს და მთავარი პროკურორი იყო გადაყენებული ხალხმა თავად დაგეგმა, რომ მოსულიყო რუსთაველის გამზირზე. შესაბამისად, ჩვენ ერთგვარად ხალხის ნებას დავემორჩილეთ და წამოვედით რუსთაველის გამზირზე. რუსთაველის გამზირზე ჩვენი მოთხოვნა არ დაწყებულა ხელისუფლების გადაყენებით. ჩვენი პირველი მოთხოვნა იყო, რომ სასწრაფოდ მიცემულიყო პასუხისგებაში მირზა სუბელიანი და სხვა დამნაშავე პირები და ამისთვის ზაზამ მათ მისცა კონკრეტული ვადა 10 საათამდე.

ხელისუფლებამ არ ისმინა, მიუხედავად იმისა, რომ აქ იდგა 50 000 ადამიანი, არ უსმინა ხალხის ხმას, არ უსმინა ზაზა სარალიძეს, რომელმაც სულ რაღაცა 1 საათის წინ გადაუყენა მთავარი პროკურორი და მაინც ხისტად დააფარა ხელი მირზა სუბელიანს.

ამის შემდეგ ვკითხეთ ხალხს, რა ვქნათ, ხალხნო. ხალმა თავად დააყენა მოთხოვნა, რომ გადადგეს ხელისუფლება“, -დასძინა კუპრავამ.

სარალიძის უფლებადამცველის თქმით, ისინი მიჰყვებიან მოვლენების ბუნებრივ განვითარებას.

„ეს არ იყო ჩვენი მოთხოვნა, ეს იყო ხალხის მოთხოვნა, რომელიც ჩვენ გავაჟღერეთ. შესაბამისად, დღესაც, ჩვენ არ ვიცით, როგორ ვმოქმედებთ. ჩვენ ვმოქმედებთ იმის მიხედვით, რასაც გვეტყვის ხალხი, რომ ვიმოქმედოთ. თუ ხალხი გვეტყვის, რომ უნდა ვიმოქმედოთ მარჯვნივ, ჩვენ წავალთ მარჯვნივ, თუ მარცხვნივ, წავალთ მარცხვნივ. ჩვენ არაფერს არ ვგეგმავთ, ჩვენ ბუნებრივად მივყვებით ამ პროცესებს და ბუნებრივად გამოჩნდება, რა ფინალი ექნება ამ ყველაფერს“, - აღნიშნა კუპრავამ.

დღეს 16:00 საათზე თბილისის პარლამენტთან გაგრძელდება აქცია ლოზუნგით #ნუმოკლავ. სარალიძემ მხარდამჭერების ნაწილთან ერთად ღამე რუსთაველის გამზირზე გაშლილ კარვებში გაატარა. ისინი პარლამენტის შენობასთან ამ დრომდე რჩებიან.

გუშინ ზაზა სარალიძემ აქცია დაიწყო მთავარი პროკურატურის შენობასთან. მისი თავდაპირველი მოთხოვნა საქართველოს მთავარი პროკურორის, ირაკლი შოთაძის გადადგომა და პასუხისგებაში მიცემა იყო, ასევე მისი შვილის მკვლელობაში ბრალდებული პირების დაჭერა და გასამართლება. მას შემდეგ, რაც შოთაძემ თანამდებობა დატოვა, აქცია გადაინაცვლა რუსთაველზე. სარალიძის სოლიდარობის მიზნით ათასობით ადამიანი შეიკრიბა. სარალიძემ მთავრობის გადადგომის მოთხოვნა დააყენა.

გუშინ თბილისის საქალაქო სასამართლოს მოსამართლემ ეკა არეშიძემ ხორავას ქუჩაზე მოზარდების მკვლელობის საქმეზე გამამტყუნებელი განაჩენი გამოიტანა. მოსამართლემ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და სარალიძის მკვლელობის მცდელობაში ცნო დამნაშავედ. შესაბამისად, დაუდგენელია, ვინ მოკლა სარალიძე.

პროკურატურამ გამოაცხადა, რომ აღნიშნულ განაჩენს სააპელაციო სასამართლოში გაასაჩივრებს.

გუშინვე პარლამენტმა მხარი დაუჭირა ხორავას ქუჩაზე მომხდარი მკვლელობის საქმეზე სპეციალური საგამოძიებო კომისიის შექმნას.

ხორავას ქუჩაზე ორი მოზარდი 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი ექიმების მცდელობისა და რამდენიმე ოპერაციის ჩატარების მიუხედავად 2 დეკემბერს საავადმყოფოში გარდაიცვალა.

საქართველოს აქვს ამბიციური გეგმები განათლების სექტორში - როს უილსონი

15 თებერვალი, 2019 , 16:40

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა და მინისტრის მოადგილემ ირინა აბულაძემ აშშ-ს ელჩის მოვალეობის შემსრულებელთან, როს უილსონთან ერთად განათლების სისტემის კომპლექსური რეფო

პარლამენტის დელეგაცია ქუვეითის ეროვნული ასამბლეის თავმჯდომარეს შეხვდა

15 თებერვალი, 2019 , 16:10

საქართველოს პარლამენტის დელეგაცია, რომელსაც უმრავლესობის ლიდერი არჩილ თალაკვაძე ხელმძღვანელობს, ქუვეითში სამუშაო ვიზიტის ფარგლებში, ქუვეითის ეროვნული ასამბლეის (პარლამენტის) თავმჯდომარეს, მარზუკ ალი ალ გჰანიმს შეხვდა. მხ

მოვითხოვთ: საქართველოს მთავრობამ არ გააფორმოს ახალი ხელშეკრულება წამგებიანი პირობებით - ოთარ სირაძე

15 თებერვალი, 2019 , 13:35

უკვე თვენახევარია, რაც ამოიწურა ხელშეკრულების ვადა, „გაზპრომსა” და ქართულ მხარეს შორის, რუსეთიდან საქართველოს გავლით სომხეთში გაზის ტრანსპორტირების შესახებ, - ამის შესახებ დღეს გამართულ ბრიფინგზე გაერთიანებულ

იუსტიციის სამინისტროსა და „ევროჯასტს“ შორის თანამშრომლობის შეთანხმება გაფორმდება

15 თებერვალი, 2019 , 12:33

ევროპარლამენტმა 2019 წლის 14 თებერვალს პლენარულ სესიაზე კენჭი უყარა და დაამტკიცა ევროკავშირის საბჭოს გადაწყვეტილების პროექტი „ევროჯასტის“ (EUROJUST) მიერ საქართველოსთან თანამშრომლობის შეთანხმების გაფორმების თ

მაიკ პომპეომ დავით ზალკალიანთან საუბრისას მაღალი შეფასება მისცა აშშ-საქართველოს სტრატეგიულ პარტნიორობაში მიღწეულ პროგრესს

14 თებერვალი, 2019 , 10:57

საქართველოს საგარეო საქმეთა მინისტრი დავით ზალკალიანი სამუშაო ვიზიტით პოლონეთში იმყოფება, სადაც საერთაშორისო კონფერენციის „მშვიდობა და უსაფრთხოება ახლო აღმოსავლეთში“ გახსნის ღონისძიებაზე ხანმოკლე შეხვედრა და

აუცილებლად გასაწერია ობიექტური კრიტერიუმები და პროცედურები, როგორ უნდა მოხდეს მოსამართლეების შერჩევა - მამუკა ბახტაძე

13 თებერვალი, 2019 , 15:40

სასიცოცხლოდ მნიშვნელოვანია, მოსამართლეების შესარჩევად ჩამოყალიბდეს ობიექტური კრიტერიუმები და პროცედურები, – ამის შესახებ საქართველოს პრემიერ-მინისტრმა, მამუკა ბახტაძემ დღევანდელ ბრიფინგზე განაცხადა. პრემიერ-მინისტრ