პოლიტიკა

ჩვენ ფორმულაში სუს-ი უქმდება, შს სამინისტრო უქმდება, პროკურატურას ერთმევა საგამოძიებო უფლებამოსილება - გიორგი ვაშაძე

გაერთიანებულ ოპოზიციური ძალის „ძალა ერთობაშია“-ს წევრის, გიორგი ვაშაძის განცხადებით, მათი საპრეზიდენტო კანდიდატის, გრიგოლ ვაშაძის გამარჯვების შემთხვევაში, გაერთიანებული ოპოზიცია გეგმავს შსს-სა და უსაფრთხოების სამსახურის გაუქმებას, ასევე პროკურატურისთვის საგამოძიებო ფუნქციის ჩამორთმევას.

გიორგი ვაშაძის თქმით, მთავარი ფუნქცია ანტიკორუფციულ ბიუროს დაეკისრება, რომელიც რეფორმის ფარგლებში შეიქმნება.

„ჩვენ ფორმულაში სუს-ი უქმდება, შს სამინისტრო უქმდება, პროკურატურას ერთმევა საგამოძიებო უფლებამოსილება. იქნება დამოუკიდებელი ანტიკორუფციული, დამოუკიდებელი საგამოძიებო ბიურო. რაც მთავარია, ხელმძღვანელებს აარჩევს საერთაშორისო ექსპერტთა კომისია და წარუდგენს დასამტკიცებლად ორ ან სამ კანდიდატს“, -თქვა გიორგი ვაშაძემ.