უახლესი ამბები
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ჩვენ გვაქვს მტკიცებულება, რომ ბაშარ ალ-ასადის რეჟიმმა გამოიყენა ქიმიური იარაღი - ემანუელ მაკრონი
საფრანგეთის პრეზიდენტმა, ემანუელ მაკრონმა განაცხადა, რომ მას აქვს „მტკიცებულება“, რომ ბაშარ ალ-ასადის მთავრობამ ქიმიური იარაღი გამოიყენა ქალაქ დუმაზე თავდასხმისას.
მაკრონს არ უთქვამს, რა წყარომ მიაწოდა ინფორმაცია.
„ჩვენ გვაქვს მტკიცებულება, რომ წინა კვირას ბაშარ ალ-ასადის რეჟიმმა გამოიყენა ქიმიური იარაღი, სულ მცირე, ქლორი“, -თქვა საფრანგეთის პრეზიდენტმა.
კითხვაზე, შეუერთდება თუ არა საფრანგეთი სირიაზე თავდასხმაში, მაკრონმა განაცხადა, რომ გადაწყვეტილებას შესაბამის დროზე მიიღებენ.
„ჩვენ გვჭირდება, მივიღოთ გადაწყვეტილება თავის დროზე, როცა გადავწყვეტთ, რომ ეს ყველაზე საჭირო და ეფექტურია“, -უპასუხა მაკრონმა.
მისი თქმით, საფრანგეთი არ დაუშვებს სიტუაციის ესკალაციას რეგიონში.
მან აღნიშნა, რომ თავდასხმა უნდა იყოს გამიზნული სირიის მთავრობის „ქიმიურ პოტენციალზე“.
მსოფლიო ჯანდაცვის ორგანიზაციის მონაცემებით, შაბათს ქალაქ დუმაზე განხორციელებული ავიაიერიშის შედეგად 70 ადამიანი დაიღუპა, აქედან 43-ს დაუდგინდა სიმპტომები, რომლებიც ქიმიურ თავდასხმაზე მიუთითებდა.
დასავლეთი მომხდარში სირიის მთავრობას ადანაშაულებს, თუმცა ბაშარ ალ-ასადის რეჟიმი რამე მონაწილეობას უარყოფს. ასადის პარტნიორი რუსეთი კი დასავლელი ლიდერების განაცხადებებს ქიმიური თავდასხმის შესახებ „პროვოკაციას“ უწოდებს.