უახლესი ამბები
არქივი
სამართალი
ჩვენ რა გვინდოდა, რომ ნინო გვენეტაძეს ეს ამბავი იუსტიციის საბჭოს სხდომაზე განეხილა და პროკურატურისთვის არ ეცნობებინა?! - თეა წულუკიანი
საქართველოს იუსტიციის მინისტრის თეა წულუკიანის განცხადებით, უზენაესი სასამართლოს თავმჯდომარე ნინო გვენეტაძე სწორად მოიქცა, როდესაც პროკურატურას მოსამართლებზე სავარაუდო ზეწოლის შესახებ ინფორმაცია მიაწოდა.
როგორც წულუკიანმა მედიას განუცხადა, ყველა ქვეყანაში, მათ შორის საქართველოში, არსებობს გამოძიების საიდუმლოება და მიუხედავად იმისა, რომ „უცხოელი კოლეგები ამბობენ, რომ რატომ არის „გამოფენილი“ საჯაროდ ესა თუ ის მტკიცებულება, ამა თუ იმ სისხლის სამართლის საქმეზე, მთავრობამ, შესაძლებლობის ფარგლებში, საზოგადოებისთვის ანგარიშის ჩაბარების გზა აირჩია“.
„კანონით ნინო გვენეტაძე მოიქცა სწორად. ის არის მესამე ხელისუფლების, თუმცა მე ვიტყოდი, პირველი ხელისუფლების ხელმძღვანელი და გადაწყვიტა ის, რაც გადაწყვიტა. მან როდესაც დანაშაულის შესახებ შეიტყო, როგორც უზენაესი სამართლოს თავმდჯომარეს ევალება, ისევე როგორც თქვენც და მეც, რომ კი არ შეინახოს ეს ცნობები, არამედ მაშინვე გადასცეს იმას ვისი ვალიც არის გამოძიება. რასთან დაკავშირებით არის დღეს აჟიოტაჟი ჩემთვის აბსოლუტურად არის გაუგებარი. ჩვენ რა გვინდოდა, რომ ქალბატონ ნინოს ეს ცნობები დაემალა, განეხილა იუსტიციის უმაღლესი საბჭოს სხდომაზე და თავში ხელი შემოერტყათ, რა ცუდია, რომ მოსამართლეებს ემუქრებიანო? გასულიყო დღეები და გამოძიება დაწყებულიყო გვიან,როდესაც გამოძიება უკვე შეუძლებელია? ალბათ ეს ჩვენ არ გვინდოდა. ამიტომ მე მგონი, რომ პროცესი სწორად მიდის“,-აღნიშნა მინისტრმა.
შეგახსენებთ, რომ საქართველოს მთავარი პროკურატურა უზენაესი სასამართლოს მოსამართლეების ბესარიონ ალავიძისა და პაატა ქათამაძის წერილობით განცხადებასა და უზენაესი სასამართლოს თავმჯდომარის მიმართვის საფუძველზე სამართალწარმოების განხორციელებაზე ზეგავლენის მიზნით მოსამართლეების საქმიანობაში უხეში ჩარევის შესაძლო ფაქტზე გამოძიება დაიწყო.
გვენეტაძენ და მსოამართლეებმა საგამოძებო უწყებას 14 იანვარს მიმართეს, თუმცა, ამის შესახებ ცნობილი მხოლოდ ორი დღის წინ გახდა.
გუშნ გახდა ცნობილი,რომ მოსამართლეებზე სავარაუდო ზეწოლის შესახებ ინფორმაცია არც იუსტიციის უმაღლესი საბჭოს წევრებისთვის არ იყო ცნობილი.
მონიკა დავლიანიძე