უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
ჩვენ ვეუბნებით არას თბილისში გამეფებულ უკანონობასა და ბიძინა ივანიშვილის თავგასულობას - ენმ 2 ოქტომბერს თბილისის მერიასთან აქციას გამართავს
„ორშაბათს 2 საათზე თბილისის მერიასთან“, - ასე დააანონსა 2 ოქტომბრის აქცია „ერთიანი ნაციონალური მოძრაობის“ თბილისის მერობის კანდიდატმა ზაალ უდუმაშვილმა დღევანდელ ბრიფინგზე. მისი თქმით, შეკრებილები არ დაუთმობენ ყოფილ პრემიერ-მინისტრ ბიძინა ივანიშვილს ბოტანიკურ ბაღსა და „ნახევარ თბილისს“.
უდუმაშვილი დაპირდა, რომ არჩევნებში გამარჯვების შემთხვევაში გააუქმებს ყველა გადაწყვეტილებას, რომელიც „პანორამა თბილისს“ უკავშირდება.
„დღეს ჩვენ აქ შევიკრიბეთ იმიტომ, რომ მკაფიოდ ვუთხრათ „ქართული ოცნების“ ხელისუფლებასა და მის უკან მდგომ ბიძინა ივანიშვილს, რომ არ დავუთმობთ ბოტანიკურ ბაღს. ჩვენ არ შევეგუებით იმას, რომ ერთ ლარად გადაეცეს ბიძინა ივანიშვილს ნახევარი თბილისი და არ შევარჩენთ, რომ მისი „პანორამა თბილისი“ ამახინჯებდეს თბილისის ისტორიულ ნაწილს.
ჩვენ არ ვაპირებთ ფარ-ხმლის დაყრას, არჩევნებამდე. არჩევნებში გამარჯვების შემდეგ, ბუნებრივია, ყველა ის უკანონო გადაწყვეტილება გაბათილდება , რომელიც თბილისის წინააღმდეგ იყო მიმართული. ჩვენი პროტესტი იქნება უფრო მრავალრიცხოვანი, უფრო ძლიერი და უფრო ხმამაღალი. ამიტომ ჩვენ დღეს აქ ვაანონსებთ აქციას. ორშაბათს ორ საათზე თბილისის მერიასთან ვიწვევთ ყველას, ვინც გვიჭერს მხარს და არა მხოლოდ ჩვენ გვიჭერს მხარს, არამედ თბილისს - ჩვენს საერთო სახლს. ჩვენ ვეუბნებით არას თბილისში გამეფებულ უკანონობასა და ბიძინა ივანიშვილის თავგასულობას“, -განაცხადა ზაალ უდუმაშვილმა.
„ნაციონალურმა მოძრაობამ“ აქცია თბილისის საკრებულოს გადაწყვეტილების საპასუხოდ დანიშნა.
შეგახსენებთ, გუშინ თბილისის საკრებულომ ბიძინა ივანიშვილთან დაკავშირებით ორი გადაწყვეტილება მიიღო. საკრებულომ პუშკინის სკვერთან, „პანორამა თბილისის“ სასტუმროს მიმდებარედ მიწისქვეშა ავტოსადგომის ასაშენებლად მიწის ნაკვეთს ფუნქციური ზონის სტატუსი შეუცვალა, ხოლო თაბორის მთაზე 4 700 მ2 ფართობის მიწას რეკრეაციული სტატუსი „თაბორი რიზორთსის“ სასარგებლოდ მოხსნა. თაბორის მთის აღნიშნულ ტერიტორიაზე ბიძინა ივანიშვილთან დაკავშირებულ კომპანიას გოლფის მოედნების მოსარწყავად საირიგაციო ნაგებობის აშენება სურს.
სხდომის დაწყების წინ დაპირისპირება მოჰყვა „ევროპული საქართველოსა“ და ენმ-ის თბილისის მერობის კანდიდატების - ელენე ხოშტარიასა და ზაალ უდუმაშვილის პროტესტს.
უშუალოდ სხდომა პროტესტის ნიშნად დატოვეს ალეკო ელისაშვილმა, მარინა დათუკიშვილმა, სევდია უგრეხელიძემ და შორენა ბუხრაშვილმა.
ანა მებურიშვილი