უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
არქივი
პოლიტიკა
ჩვენი მხარდამჭერების დიდი ნაწილი არჩევნებზე არ მოვიდა, რაც არის ერთგვარი წუხილის თუ სამდურავის გამოხატულება - ეკა ბესელია
ჩვენი მხარდამჭერების დიდი ნაწილი 28 ოქტომბრის არჩევნებზე არ მოვიდა, რაც არის ერთგვარი წუხილის, პროტესტის, თუ სამდურავის გამოხატულება - საჭიროა ამ ყველაფრის გააზრება და ამაზე პასუხის გაცემა, - განუცხადა ჟურნალისტებს “ქართული ოცნების“ ერთ-ერთმა ლიდერმა ეკა ბესელიამ.
მისი თქმით, “ქართული ოცნების“ მომხრეების დიდი ნაწილის არჩევნებზე არმისვლა არის სიგნალი იმისა, თუ რა უნდა შეიცვალოს.
“პირველი, რაც 28 ოქტომბრის არჩევნების შედეგებმა გვიჩვენა არის, რომ საქართველოში არჩევნები არ ყალბდება და ჩვენთვის მთავარი კონსტიტუციური მონაპოვარი არის ყველაზე ღირებული და გასაფრთხილებელი - ხელისუფლებამ ყოველთვის უნდა დაიცვას მოქალაქის კონსტიტუციური უფლება და არ გააყალბოს არჩევნები.
დემოკრატიულ არჩევნებთან და საარჩევნო უფლების დაცვასთან ერთად, ჩვენ მივიღეთ გზავნილი, რომ ჩვენს ამომრჩეველს, მხარდამჭერს, რომელიც არჩევნებზე არ მოვიდა, აქვს გარკვეული სამდურავი, წუხილი თუ პრეტენზია. ეს ის გზავნილია, რომელსაც აუცილებლად მიეცემა მსვლელობა. საჭიროა ამის გააზრება და საჭიროა ამაზე პასუხი“, - განუცხადა ჟურნალისტებს ეკა ბესელიამ.