17.01.2019 00:08
დიდ დიღომში მომხდარ აფეთქებასთან დაკავშირებით, ცხელი ხაზი ამოქმედდა
17.01.2019 00:02
გამოძიება მიმდინარეობს და გვეცოდინება, რეალურად რა მოხდა, რასთან გვაქვს საქმე -კახა კალაძე
16.01.2019 23:52
უდიდესი ტრაგედია დაგვატყდა დღეს თავს, ყველას ვუსამძიმრებ - მამუკა ბახტაძე
16.01.2019 23:45
ძალიან მძიმე ტრაგედია არის ქვეყნისთვის, ოჯახებისთვის - სალომე ზურაბიშვილი
16.01.2019 23:32
პირველი არხის ექსკლუზიური ვიდეომასალა კორპუსიდან, სადაც აფეთქება მოხდა
16.01.2019 23:06
დიდ დიღომში აფეთქების შედეგად დაშავებული ოთხი წლის ბავშვი დაიღუპა
16.01.2019 22:47
არც ერთი ადამიანი დღეს თავშესაფრის გარეშე არ დარჩება – თბილისის მერის მოადგილე
16.01.2019 22:25
სალომე ზურაბიშვილი იაშვილის კლინიკაში დაშავებულების მოსანახულებლად მივიდა
16.01.2019 22:17
აფეთქების შედეგად დაშავებული სამი ბავშვიდან, რომლებიც იაშვილის კლინიკაში იმყოფებიან, არც ერთის ჯანმრთელობის მდგომარეობა არ არის მძიმე - დავით სერგეენკო
16.01.2019 22:08
დიდ დიღომში აფეთქების შედეგად სამი ადამიანი დაიღუპა

პოლიტიკა

ჩვენი რეკომენდაციაა, პროკურატურამ ობიექტურად და დროულად შეისწავლოს გუშინდელი სპეცოპერაციის გარემოებები - სახალხო დამცველი

სახალხო დამცველმა ნინო ლომჯარიამ მოუწოდა პროკურატურას, დროულად და ობიექტურად გამოიძიოს პანკისის ხეობაში ჩატარებული სპეცოპერაცია, კერძოდ, მოხდა თუ არა სპეცრაზმის მხრიდან უფლებების გადამეტება.

მისი თქმით, სპეცოპერაციის დროს დაჭრილი თემირლან მაჩალიკაშვილის ოჯახისა და სუს-ის განცხადებები ურთიერთგამომრიცხავია.

„ჩვენ კონტაქტზე ვართ დაჭრილის ოჯახის წევრებთან, ასევე სახელმწიფო უსაფრთხოების სამსახურთან. ჩვენი ინფორმაციით, ის ფაქტობრივი გარემოებები, რაზეც საუბრობს ერთი მხრივ, დაჭრილის ოჯახი და მეორე მხრივ, უსაფრთხოების სამსახური, არის ურთიერთგამომრიცხავი. ამიტომ, ძალიან მნიშვნელოვანია ამ პროცესში გამოძიების როლი. მთავარი ტვირთი ეკისრება პროკურატურას და ჩვენი რეკომენდაციაა, პროკურატურამ ობიექტურად და დროულად შეისწავლოს გარემოებები - ხომ არ ჰქონდა ადგილი სპეცრაზმის მხრიდან უფლებამოსილების გადამეტების ფაქტს და რამდენად იყო პროპორციული ძალის გამოყენება. ეს უნდა დაადგინოს გამოძიებამ და ჩვენ მივადევნებთ თვალს ამ საქმეს“, - განაცხადა ომბუდსმენმა.

სახელმწიფო უსაფრთხოების სამსახურმა თბილისსა და პანკისის ხეობის სოფლებში, ომალოსა და დუისში სპეცოპერაცია გუშინ ჩაატარა

სუს-ის ინფორმაციით, დაკავებულია საქართველოს ხუთი მოქალაქე, რომლებიც ახმედ ჩატაევს საქართველოს საზღვარზე გადმოსვლაში დაეხმარნენ.

სუსის ცნობით, დაკავებული პირები 21-22 ნოემბრის სპეცოპერაციის დროს მოკლულ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმები საქართველოში მომუშავე დიპლომატიურ კორპუსებზე.

დაკავებულთა შორის არის თემირლან მაჩალიკაშვილიც. სუს-ის ინფორმაციით, პოლიცია იძულებული გახდა პროპორციული ძალა გამოეყენებინა, ვინაიდან თემირლან მაჩალიკაშვილმა წინააღმდეგობის გაწევა და ხელყუმბარის მოქმედებაში მოყვანა სცადა.

დაჭრილი მაჩალიკაშვილის მდგომარეობა ამ დრომდე მძიმეა. ის კომატოზურ მდგომარეობაშია და მართვით სუნთქვაზეა შეერთებული. მას გუშინ ნეიროქირურგიული ოპერაცია ჩაუტარდა.

ანა მებურიშვილი