უკან

სამართალი

18 აპრილი, 2018 11:25
font-size

დაგეგმილი საკანონმდებლო ცვლილებები იქნება მნიშვნელოვანი ბერკეტი იმისთვის, მოძალადეები ციხიდან გარეთ არ გამოვიდნენ - ნათია მეზვრიშვილი

შინაგან საქმეთა მინისტრის მოადგილე ნათია მეზვრიშვილმა ოჯახში ძალადობის მიმართულებით დაგეგმილ საკანონმდებლო ცვლილებებზე ისაუბრა.

მისი თქმით, საკანონმდებლო ცვლილებების პაკეტი, რომელსაც შს სამინისტრო ამზადებს, იქნება მნიშვნელოვანი ბერკეტი იმისთვის, რომ ადამიანებმა ჩვენება აღარ შეცვალონ და ასეთ საქმეებზე გამამტყუნებელი განაჩენები დადგეს და მოძალადეები ციხიდან გარეთ არ გამოვიდნენ.

„რაც შეეხება საკანონმდებლო ცვლილებებს. ამ დანაშაულებთან მიმართებით არაერთხელ ვთქვით, რომ მკაცრ პოლიტიკას ვუჭერთ მხარს და ეს პრაქტიკაში რეალურად ასეა.

ძირითადად ვიყენებთ იძულების უკიდურეს ღონისძიებებს, ძირითადად ამ ადამიანებს ვაკავებთ. საკმაოდ მკაცრია პროკურატურის მიდგომაც. ისინი ძირითადად აღკვეთის ღონისძიების სახით ითხოვენ პატიმრობას.

როდესაც ჩვენ ვსაუბრობთ კანონმდებლობის გამკაცრებაზე, აქ ერთი რამ უნდა გვახსოვდეს, ამ საკითხს საკმაოდ ფრთხილად უნდა მოვეკიდოთ იმიტომ, რომ ეს არ არის ჩვეულებრივი დანაშაული. ოჯახში ძალადობა გარკვეული თავისებურებებით ხასიათდება. ეს ჯერ კიდევ არის ისეთი კატეგორიის დანაშაულები, სადაც მსხვერპლები ჯერ კიდევ თავს იკავებენ პოლიციაში მოსვლისგან. ეს ჯერ კიდევ არის ისეთი დანაშაული, რომელზეც დაზარალებულები, მსხვერპლები საკმაოდ ხშირად ცვლიან ჩვენებებს. ამიტომ, როდესაც ჩვენ ვსაუბრობთ საკანონმდებლო ცვლილებებზე, ეს უნდა გავაკეთოთ გააზრებულად და არა ისე, რომ მოდით დღეს რაღაცა პრობლემა გვაქვს, შემთხვევა მოხდა და საკმაოდ მძიმე შემთხვევა მოხდა და ჩვენ ამას ვაღიარებთ და მოდით ხვალ - შევიტანოთ ცვლილება სისხლის სამართლის კოდექსში, ადმინისტრაციულ სამართალდარღვევათა კოდექსში და ა.შ.

ჩვენ ამას მეტი პასუხისმგებლობით ვეკიდებით და შინაარსობრივ მხარეს ვსწავლობთ და გეტყვით რას ვგულისხმობთ: აი მაგალითად, პრაქტიკაში პრობლემაა ჩვენებების შეცვლა. პრობლემაა ჩვენებების შეცვლა იმიტომ, რომ კანონის მიხედვით, მსხვერპლებს უფლება აქვთ არ ჩვენება არ მისცენ ოჯახის წევრების წინააღმდეგ და ისინი ამ უფლებას საკმაოდ აქტიურად იყენებენ. ზოგჯერ ისინი ზეწოლის ქვეშ იმყოფებიან ბრალდებულის ოჯახის წევრების და სამწუხაროდ ზოგიერთ შემთხვევაში ადვოკატების მხრიდანაც.

საბოლოო ჯამში, ჩვენ მივდივართ იქითკენ, რომ ჩვენების არმიცემის გამო ასეთ საქმეებზე დგება გამამართლებელი განაჩენი და მოძალადე გარეთ აღმოჩნდება-ხოლმე. ეს პრობლემა შესწავლილი გვაქვს. ჩვენ, უკვე მომზადებული გვაქვს საკანონმდებლო ცვლილებების პაკეტი, რომელსაც ამ მიმართულებით უახლოეს დღებში წარვუდგენთ საქართველოს მთავრობას და შემდეგ დაიწყება უკვე საპარლამენტო განხილვები. ეს იქნება საკმაოდ მნიშვნელოვანი ბერკეტი იმისა, რომ ადამიანებმა ჩვენება აღარ შეცვალონ და ასეთ საქმეებზე გამამტყუნებელი განაჩენები დადგეს იმისთვის, რომ მოძალადეები ციხიდან გარეთ არ გამოვიდნენ“, - განაცხადა ნათია მეზვრიშვილმა.

ზვიად კუპრავას პატიმრობა შეეფარდა

21 თებერვალი, 2019 , 18:37

თბილისის საქალაქო სასამართლომ „რეფორმირების ცენტრის“ ხელმძღვანელს, ზვიად კუპრავას აღკვეთის ღონისძიების სახით შეფარდებული გირაო პატიმრობით შეუცვალა. „პროკურატურის შუამდგომლობის საფუძველზე სასამართლოს უპა

განზრახ მკვლელობაში ბრალდებულს 19 წლით თავისუფლების აღკვეთა მიესაჯა

21 თებერვალი, 2019 , 17:20

თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და დამამძიმებელ გარემოებებში ჩადენილ განზრახ მკვლელობაში და ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა,

ქურდობის და დანაშაულებრივი გზით მოპოვებული ნივთების გასაღების ფაქტებზე 2 პირია დაკავებული

21 თებერვალი, 2019 , 14:20

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის წალენჯიხის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 2001 წელს დაბადებული გ. ჩ. -

შსს-მ განსაკუთრებით დიდი ოდენობით „კოკაინის“, „ჰეროინის“ და „სუბუტექსის“ გავრცელება აღკვეთა

21 თებერვალი, 2019 , 11:54

შინაგან საქმეთა სამინისტრომ საქართველოში განსაკუთრებით დიდი ოდენობით „კოკაინის“, „ჰეროინის“ და „სუბუტექსის“ გავრცელება აღკვეთა. როგორც „მედიანიუსს“ შინაგან საქმეთა სამინისტ

ფალსიფიცირებული ხორცპროდუქტები - ორი კომპანიის ხელმძღვანელი პირი პასუხისგებაში მისცეს

21 თებერვალი, 2019 , 10:30

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ხორცის ნახევარფაბრიკატების ფალსიფიცირების ორი ფაქტი გამოავლინეს და

მკვლელობა ვერცხლის ქუჩაზე - დაკავებულია ხუთი პირი

21 თებერვალი, 2019 , 10:30

შინაგან საქმეთა სამინისტროს თბილისის პოლიციის დეპარტამენტის დეტექტივებისა და ძველი თბილისის სამმართველოების თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, განზრახ მკვლელობი