უკან
სამართალი
19 დეკემბერი, 2016 17:10
დანაშაულის სტატისტიკა შს მინისტრის გადაწყვეტილებით აღარ ქვეყნდება
შს მინისტრმა, გიორგი მღებრიშვილმა ჟურნალისტებთან კომენტარი გააკეთა იმასთან დაკავშირებოთ, თუ რატომ აღარ აქვეყნებს მისი უწყება დანაშაულის სტატისტიკას.
ძალოვანი უწყების ხელმძღვანელი ამბობს, რომ გადაწყვეტილება თავად მიიღო.
მისი თქმით, სტატისტიკის გამოქვეყნებას სამინისტროს კანონი არ ავალდებულებს.
,,აქამდე იყო დათქმა შინაგან საქმეთა სამინისტროში, რომ ყოველთვიურად ქვეყნდებოდა სტატისტიკა, მაგრამ მე მივიღე ეს გადაწყვეტილება და მე ვარ პასუხისმგებელი იმაზე, რომ სტატისტიკა არ ქვეყნდება. არ არსებობს არანაირი რეგულაცია ამის შესახებ. არანაირი მოთხოვნა, არანაირი კანონი არ მავალდებულებს მე სტატისტიკის გამოქვეყნებას. ასე რომ, მე მზად ვარ პასუხი გავცე ყველას, ვინც ამაზე პრეტენზიას წამიყენებს’’, - განაცხადა შს მინისტრმა.
ნინო ექვთიმიშვილი