პოლიტიკა

დასავლეთმა საქართველოში შეცდომა დაუშვა როდესაც რუსეთს არასწორი გაკვეთილი ჩაუტარა - ესტონეთის პრეზიდენტი

ესტონეთი პრეზიდენტის კერსტი კალიულაიდის განცხადებით, დასავლეთმა საქართველოში შეცდომა დაუშვა, როდესაც რუსეთს 2008 წლის კონფლიქტის შემდეგ, არასწორი გაკვეთილი ჩაუტარა.

ამის შესახებ ესტონეთის პრეზიდენტმა Euronews-თან საუბარში განაცხადა.

მისი აზრით, არსებობს საერთაშორისო უსაფრთხოების საშიშროება.

“რუსეთ-საქართველოს კონფლიქტამდე, პუტინი ცდილობდა ხელსინკის აქტზე დაფუძნებული საერთაშორისო უსაფრთხოების არქიტექტურის შეცვლა, რომლის მიხედვით, ყველა ქვეყანას აქვს უფლება გადაწყვიტოს ვისთან ჰქონდეს ურთიერთბა. ეს მიდგომა პუტინს არ მოსწონს. მას ამის შეცვლა უნდა.

მივიჩნევ, რომ საქართველოში დასავლეთმა შეცდომა დაუშვა, როდესაც რუსეთს არასწორი გაკვეთილი ჩაუტარა. ვიდრე რუსეთის პრეზიდენტი დიმიტრი მედვედევი გახდებოდა, რუსეთი ცდილობდა ხელსინკის შეთანხმების გადახედვა მოლაპარაკების გზით მოეხდინა. თუმცა, საქართველოში რუსეთმა გაიაზრა, რომ თუ პირდაპირ იმოქმედებდა, რეაქცია ძალზედ სუსტი იქნებოდა. და როგორც თოვლის გუნდა, ამას ყირიმი მოყვა. შემდეგ...დარწმუნებული ვარ, რომ ყველას ესმის, თუ რა მოხდება მომავალში. ეს საერთაშორისო უსაფრთხოების საშიშროებაა. საჭიროა, დავიცვათ ყველა ქვეყნის უფლება მიიღოს დამოუკიდებელი გადაწყვეტილება“,-აღნიშნა კალიულაიდმა.

მონიკა დავლიანიძე