უახლესი ამბები
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
პოლიტიკა
დავით ნარმანია მოსამართლე ნატა ნაზღაიძის ოჯახისთვის თანხის გამოყოფის საკითხზე საკრებულოში მისვლას არ აპირებს
თბილისის მერი დავით ნარმანია მოსამართლე ნატა ნაზღაიძის ოჯახისთვის თანხის გამოყოფის საკითხზე საკრებულოში მისვლას არ აპირებს.
როგორც ნარმანიამ ჟურნალისტებს ოპოზიციონერი დეპუტატების მოთხოვნაზე კომენტირებისას განუცხადა, საკრებულოში არც მერიის სხვა წარმომადგენლებს გაგზავნის.
”ეს იქნება პოლიტიკური შოუ და მას რეალობასთან რაიმე სახის შეხება არ აქვს, მითუმეტეს, რომ ჩვენ ტერიტორიის გადაცემა კანონმდებლობის და პროცედურების სრული დაცვით გავაკეთეთ. არ ვაპირებ დღეს დედაქალაქის საკრებულოში მისვლას და არც თბილისის მერიის წარმომადგენლები დაესწრებიან სხდომას”, - განაცხადა ნარმანიამ.
მისი თქმით, ეს არის პოლიტიკური პროცესი და საკრებულოს უმრავლესობა ოპოზიციას ღირსეულ და საკადრისს პასუხს გასცემს.
”საზოგადოებამ ძალიან კარგად იცის, რომ მე, როგორც დედაქალაქის მერს საკრებულოში ანგარიშის წარდგენის პრობლემა არასდროს არ მაქვს, მათ შორის გასულ წელს ორჯერ რიგგარეშედაც ვიმყოფებოდი საკრებულოში, თუმცა გამომდინარე იქიდან, რომ დღეს იგეგმება პოლიტიკური შოუს მოწყობა, მე ამ შოუში მონაწილეობის მიღებას არ ვაპირებ. ეს არის აბსოლუტურად თითიდან გამოწოვილი საკითხი, რომლის პედალირებასაც სპეციალურად ახდენენ ჩვენი პოლიტიკური ოპონენტები”, - აღნიშნა თბილისის მერმა.
ცნობისათვის: თბილისის საკრებულოს ოპოზიცია დღეს 16:00 საათზე დანიშნულ სხდომაზე დავით ნარმანიას მისვლას და მოსამართლე ნატა ნაზღაიძის ოჯახისთვის მილიონიანი ქონების გადაცემის საკითხზე მათთვის ახსნა-განმარტების მიცემას ითხოვს.
ნინო ექვთიმიშვილი