პოლიტიკა

დავით ნარმანია თბილისის საკრებულოში 11 აპრილს მივა

დედაქალაქის მერი, დავით ნარმანია თბილისის საკრებულოში 11 აპრილს მივა და დეპუტატებს ანგარიშს წარუდგენს.

როგორც თბილისის საკრებულოს თავმჯდომარემ, გიორგი ალიბეგაშვილმა ჟურნალისტებს განუცხადა, მოხსენების გარდა, მერი საზოგადოებისთვის საინტერესო ყველა შეკითხვას გასცემს პასუხს.

შეგახსენებთ, რომ თბილისის მერის საკრებულოში მისვლას ოპოზიციონერი დეპუტატები ბოლო დროს აქტიურად ითხოვდნენ. საქმე ეხებოდა, "რუსთავი 2"-ის საქმის განმხილველი მოსამართლის, ნატა ნაზღაიძის ძმისთვის, ზვიად ნაზღაიძისთვის კომპენსაციის გადაცემას, რასაც ოპოზიცია კორუფციულ ფაქტად და ქრთამად აფასებს და საკრებულოში შეკითხვებზე პასუხის გასაცემად თბილისის მერს იბარებდა.

პასუხად დავით ნარმანია აცხადებდა, რომ საკრებულოში მიუსვლელობით კანონს არ არღვევს და თბილისის წარმომადგენლობით ორგანოში აპრილში ანგარიშის წარსადგენად მივა.

ნინო ექვთიმიშვილი