პოლიტიკა

დავით უსუფაშვილი ხვალ თავის პარტიას წარადგენს

პარლამენტის ყოფილი თავმჯდომარის, დავით უსუფაშვილის განცხადებით, ის ხვალ წარადგენს თავისი ახალი პარტიის წევრებს.

უსუფაშვილის თქმით, მისი პარტია თვითმმართველობის არჩევნებისთვის ემზადება.

„ეს გუნდი ემზადება არჩევნებში მონაწილეობისთვის ადგილობრივ არჩევნებზე. ჩვენ ვართ საწყის ეტაპზე გუნდის ფორმირების, ამიტომ ეს არ იქნება ყველა მუნიციპალიტეტში სრულფასოვანი კამპანია, თუმცა ბევრგან გვექნება ძალიან საინტერესო კამპანიაც და საინტერესო კანდიდატებიც“, - განაცხადა უსუფაშვილმა.

უსუფასვილმა არ გამორიცხა, რომ მისმა პარტიამ თბილისის მერობის არჩვენებისთვის წარადგინოს კანდიდატი.

„ვიბრძოლებთ თბილისშიც, ოღონდ ჩვენი ბრძოლა იქნება შრომითი. მერობის კანდიდატთან დაკავშირებით მოგვიანებით მოგახსენებთ, საინტერესო ვარიანტები გვაქვს“,- თქვა უსუფაშვილმა.

ანა მებურიშვილი