უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
პოლიტიკა
დავით უსუფაშვილმა დიდი შეცდომა დაუშვა, რადგან თავად იყო პარლამენტის თავმჯდომარე - ეკა ბესელია
პარლამენტის იურიდიულ საკითხთა კომიტეტის თავმჯდომარის, ეკა ბესელიას განცხადებით, მას გაუკვირდა საპრეზიდენტო კანდიდატ დავით უსუფაშვილის კომენტარი პარლამენტის თავმჯდომარესთან დაკავშირებით. დეპუტატის შეფასებით, უსუფაშვილმა შეცდომა დაუშვა.
„ასეთი კომენტარი განსაკუთრებით უსუფაშვილისგან გამიკვირდა. ვინ, ვინ და მან ძალიან კარგად იცის, რომ პარლამენტის თავმჯდომარე ის პირი არ არის, რომელიც პერსონალურად გადაწყვეტილებას მხოლოდ ისეთ საკითხებზე იღებს, როგორებიცაა თანაშემწის დანიშვნა ან ვინმეს მივლინებაში გაშვება. პარლამენტის თავმჯდომარის უფლებამოსილებაში პირველი წერია, რომ ის პარლამენტს ქვეყნის საშინაო და საგარეო ურთიერთობებში წარმოადგენს.
საპარლამენტო რესპუბლიკაში, სადაც პარლამენტს ყველაზე მნიშვნელოვანი, მაკონტროლებელი ფუნქცია აქვს და როცა სპიკერი ქვეყნის საგარეო და საშინაო პოლიტიკას წარმოადგენს, მისი უფლებამოსილება ასე რომ დაამცირო და დააკნინო, ეს იმას ნიშნავს, რომ შეურაცხყოფა საკუთარ უფლებამოსილებას მიაყენო, რასაც ახორციელებდი. მისი მხრიდან დიდი შეცდომა იყო დაშვებული, რადგან პარლამენტის თავმჯდომარე იყო და იცის, რომ სპიკერი თანაშემწის დანიშვნისა და მივლინებაში ვინმეს გაშვების გარდა, ყველაზე მნიშვნელოვან ფუნქციას ასრულებს.
პარლამენტის თავმჯდომარესთან მიმართებით რეგლამენტში სხვა ბევრი ფუნქცია წერია, ხოლო მნიშვნელოვანი ინსტიტუტის დაკნინება საკუთარი, წარსული საქმიანობის უპატივცემულობაა“, – განაცხადა ბესელიამ.
„შენების მოძრაობის“ ლიდერმა, დავით უსუფაშვილმა პრეზიდენტის ადგილსამყოფელთან დაკავშირებით აღნიშნა, რომ თუ ადმინისტრაციულ-სახელისუფლებო წონის მიხედვით იმსჯელებენ, პარლამენტის თავმჯდომარე მინუს მესამე სართულზე უნდა განლაგდეს.