პოლიტიკა

დებატები საკონსტიტუციო ცვლილებებზე საშემოდგომო სესიის ფარგლებში გაიმართება - არჩილ თალაკვაძე არასამთავრობოებს

საპარლამენტო უმრავლესობის ლიდერი, არჩილ თალაკვაძე არასამთავრობო ორგანიზაციების წერილს ეხმაურება, რომელშიც მესამე სექტორი ურჩევს ხელისუფლებას, ვენეციის კომისიის დასკვნამდე არ დაამტკიცოს საკონსტიტუციო პროექტი.

თალაკვაძის განცხადებით, დისკუსია საკონსტიტუციო ცვლილებებთან დაკავშირებით საშემოდგომო სესიის ფარგლებში გაიმართება.

„საკონსტიტუციო რეფორმამ, ახალი კონსტიტუციის შემუშავების პროცესმა კანონმდებლობითა და დემოკრატიული პრინციპებით დადგენილი ყველა ეტაპი გაიარა. სახელმწიფო საკონსტიტუციო კომისიაში ჩართული იყო არასამთავრობო სექტორი, ოპოზიციური პარტიები, სამოქალაქო საზოგადოება. იყო საჯარო განხილვები. შემდგომში იყო კონსულტაციების რამდენიმე რაუნდი ვენეციის კომისიასთან, შემდეგ პოლიტიკური განხილვები და დებატები პარლამენტში. საკონსტიტუციო ცვლილებებს მესამე მოსმენით საშემოდგომო სესიაზე განვიხილავთ. მორიგი დისკუსია და დებატები საშემოდგომო სესიის ფარგლებში გაიმართება“,- განუცხადა ჟურნალისტებს თალაკვაძემ.

ვენეციის კომისიის საბოლოო დასკვნა ოქტომბერში გამოქვეყნდება.

ანა მებურიშვილი