საზოგადოება

დედაქალაქში საფეხმავლო ხიდების კონსტრუქცია შეიცვლება

ქალაქში არსებული საფეხმავლო ხიდების კონსტრუქცია ვიზუალურად ცუდია,- განაცხადა კახა კალაძემ თბილისის მთავრობის სხდომაზე.

მისი თქმით, საფეხმავლო ხიდები შშმ პირებისთვის კომფორტული უნდა გახდეს.

„საფეხმავლო ხიდების კონსტრუქცია ვიზუალურად ძალიან ცუდია და აქაც ჩავრთოთ არქიტექტორები, მსურველებმა იქნებ ისეთი პროექტები შეიმუშაონ, რომელიც ვიზუალურადაც ლამაზიც იქნება და ასვლა-ჩამოსვლაც მოსახერხებელი.

დღეის მდგომარეობით ასევე, შშმ პირებისთვისაც შეუძლებელია ამ ხიდებით სარგებლობა და სერიოზულ პრობლემას წარმოადგენს. ამიტომ გავალებთ, რომ ძალიან მალე შეიმუშაოთ კონცეფცია, გეგმა, თუ როგორი უნდა იყოს ეს ხიდები“, - განაცხადა კახა კალაძემ.