უკან

უახლესი ამბები

დღის კალენდარი

ანონსები

არქივი

სამართალი

18 დეკემბერი, 2017 14:10
font-size

დეკანოზ გიორგი მამალაძის ადვოკატები სასჯელაღსრულების სამინისტროს მიმართავენ

ე.წ. ციანიდის საქმეზე მსჯავრდებულ, დეკანოზ გიორგი მამალაძის ადვოკატები სასჯელაღსრულების სამინისტროს გენერალურ ინსპექციას მიმართავენ.

მამალაძის ინტერესების დამცველები სასჯელაღსრულების მე-9 დაწესებულების, ე.წ. მატროსოვის ციხის ადმინისტრაციას ადვოკატის საქმიანობის ხელშეშლასა და მსჯავრდებული დეკანოზის პირადი ინფორმაციის გამჟღავნებაში ადანაშაულებენ:

„11 დეკემბერს ვიმყოფებოდი მე-9 პენიტენციურ დაწესებულებაში, სადაც მსჯავრდებულ გიორგი მამალაძესა და ერთ-ერთ ბანკს შორის ავეჯის განვადებასთან დაკავშირებული დოკუმენტები ხელმოსაწერად შევიტანე. ჯერ კიდევ მიმდინარე წლის 7 დეკემბერს მსჯავრდებულ გიორგი მამალაძეს წერილობითი განცხადებით უკვე მიმართული ჰქონდა ციხის ადმინისტრაციისთვის მისთვის აღნიშნული დოკუმენტაციის შეტანასთან დაკავშირებით. მე-9 დაწესებულებაში შესვლისას გავიარე უსაფრთხოების შემოწმება და მითითებული დოკუმენტებით შევედი მსჯავრდებულ მამალაძესთან. დაწესებულებაში შესვლისას დოკუმენტების შეტანაზე ჩემთვის უარი არ უთქვამს და არ ჩამოურთმევიათ. პატიმართან შეხვედრიდან გამოსვლის შემდეგ, როდესაც ისევ გავდიოდი შემოწმებას, ოთახში შემოვიდა პირი, რომელმაც განაცხადა, რომ არის დაწესებულების უფროსის მოადგილე. მან ამიკრძალა ამ დოკუმენტების „გარეთ“ გატანა, იმ მოტივით, რომ ისინი არ უკავშირდებოდა სისხლის სამართლის საქმეს, რაზეც დეკანოზი სასჯელს იხდის. მე ავუხსენი, რომ პენიტენციურ დაწესებულებას არ ჰქონდა უფლება ადვოკატისთვის ჩამოერთმია დოკუმენტაცია, რომელიც გიორგი მამალაძის საბანკო ურთიერთობას ეხებოდა და რომ ეს იყო პერსონალური ინფორმაცია, რომლის გაცნობის უფლებაც დაწესებულებას არ ჰქონდა. სასჯელაღსრულების დაწესებულების წარმომადგენლებს შევთავაზე, რომ როდესაც გავიდოდი დაწესებულებიდან, ხელახლა გამოვწერდი საშვს, დავბრუნდებოდი პატიმართან და თავად გადავცემდი მის პერსონალურ დოკუმენტაციას, რაზეც მივიღე აგრესიული პასუხი, რომ ამ დოკუმენტით ადვოკატი ვერსად ვერ გადაადგილდებოდა და რომ უნდა ჩამოერთმიათ დოკუმენტაცია, რის შემდეგაც დოკუმენტებს მსჯავრდებულს თავად გადასცემდნენ. საბოლოოდ, ზეწოლით მან ეს დოკუმენტაცია ჩამომართვა. 13 დეკემბერს კი ჩემთვის ცნობილი გახდა, რომ აღნიშნული დოკუმენტები, რაც წარმოადგენდა მამა გიორგის პერსონალურ ინფორმაციას, დაწესებულების წარმომადგენლებმა მსჯავრდებულს არ დაუბრუნეს და გადასცეს გამოძიებას”, - განაცხადა თამარ ავალიანმა.

აღნიშნულთან დაკავშირებით, ადვოკატი მიხეილ რამიშვილი სასჯელაღსრულების სამინისტროს განმარტების გაკეთებისკენ მოუწოდებს.

”საინტერესოა, რა სამართლებრივი საფუძვლით მოხდა ადვოკატის აღნიშნული დოკუმენტებით დაწესებულებაში შეშვება. ასევე გვაინტერესებს, რა სამართლებრივი საფუძვლით მოხდა აღნიშნული დოკუმენტების გამოძიებისთვის გადაგზავნა. გარდა ამისა, მოვითხოვთ, სასჯელაღსრულებისა და პრობაციის სამინისტროს გენერალურმა ინსპექციამ სასწრაფო წესით დაიწყოს მოკვლევა ადვოკატის საქმიანობის ხელშეშლისა და მსჯავრდებულის პირადი, კონფიდენციალური ინფორმაციის გამჟღავნების ფაქტზე”, - განაცხადა რამიშვილმა.

შსს - ბადრი ესებუას გადაადგილების შესახებ რამდენიმე ტელევიზიის მიერ მიზანმიმართულად არასწორი ინფორმაცია გავრცელდა

29 ოქტომბერი, 2020 , 13:45

საქართველოს შინაგან საქმეთა სამინისტრო მედიასაშუალებებში გავრცელებულ, ბადრი ესებუას გადაადგილების ამსახველ ფოტო და ვიდეომასალასთან დაკავშირებით განცხადებას ავრცელებს. უწყების ცნობით, 21 ოქტომბერს, ზუგდიდში, „საქართ

მებაჟე ოფიცრებმა წითელ ხიდზე არადეკლარირებული საქონელი აღმოაჩინეს

27 ოქტომბერი, 2020 , 12:55

ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტზე ,,წითელი ხიდი“ ავტომანქანაში, რომელსაც მართავდა საქართველოს მოქალაქე მ.კ. ეჭვის საფუძველზე დათვალიერების შედეგად, 3815 ლარის ღირ

თავდამსხმელის იდენტიფიცირება მოხდა იმავე ღამეს და დაუყოვნებლივ დაიწყო შესაბამისი ღონისძიებების განხორციელება მისი ადგილსამყოფელის დადგენის მიზნით - ვლადიმერ ბორცვაძე

26 ოქტომბერი, 2020 , 21:12

შინაგან საქმეთა მინისტრის მოადგილის, ვლადიმერ ბორცვაძის განცხადებით, შინაგან საქმეთა სამინისტრომ საქართველოს ბანკის ზუგდიდის ფილიალზე თავდამსხმელის იდენტიფიცირება იმავე ღამეს მოახდინა და დაუყოვნებლივ დაიწყო მისი ადგილსამ

შსს-ს ინფორმაციით, ზუგდიდში, „საქართველოს ბანკზე“ ყაჩაღური თავდასხმა ბადრი ესებუამ განახორციელა

26 ოქტომბერი, 2020 , 20:23

შინაგან საქმეთა სამინისტრო ადასტურებს, რომ ზუგდიდში, „საქართველოს ბანკის“ ფილიალზე მომხდარი თავდასხმა ბადრი ესებუამ განახორციელა. ამის შესახებ საქართველოს შინაგან საქმეთა სამინისტროს სამეგრელო-ზემო სვანეთის პ

პოლიციამ ხელვაჩაურში ქურდობის ფაქტზე სამი პირი დააკავა

26 ოქტომბერი, 2020 , 10:30

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, სამი პირი: 1987 წელს დაბადებული, წარსულში მრავალჯერ ნასამართლევი ზ.

უცხო ქვეყნის მოქალაქე ცოლ-ქმრის დაყაჩაღების ფაქტზე ორი პირი დააკავეს

26 ოქტომბერი, 2020 , 10:30

საქართველოს შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქვემო ქართლში 23 ოქტომბერს მომხდარი ყაჩაღობის ფაქტი გახსნეს.