უახლესი ამბები
არქივი
სამართალი
დეკანოზმა გიორგი მამალაძემ სააპელაციო სასამართლოში ე.წ ციანიდის საქმის სხდომა დატოვა
ე.წ ციანიდის საქმეზე მსჯავრდებულმა დეკანოზმა გიორგი მამალაძემ, სააპელაციო სასამართლოში პირველი სხდომა პროტესტის ნიშნად დატოვა.
დეკანოზმა განცხადება სხდომის დაწყებამდე გააკეთა და აღნიშნა, რომ სხდომას იმიტომ ტოვებს, რომ უკმაყოფილოა პირველი ინსტანციის სასამართლოს გადაწყვეტილებით.
„ვარაუდების გამო ასეთი მძიმე ბრალდების წაყენება და სასჯელის მისჯა არ შეიძლება. საქმის შესწავლისას ნახავთ, რომ მე არავის მკვლელობას არ ვგეგმავდი. არ უარვყოფ, რომ ამ ნივთიერებით ვიყავი დაინტერესებული შორენა თეთრუაშვილის თხოვნით. სამწუხაროა, რომ სასამართლოზე ეს მან უარყო. უნდობლობას ვუცხადებ ქართულ მართლმსაჯულებას და პროტესტის ნიშნად ვტოვებ სასამართლო სხდომას“, -აღნიშნა მამალაძემ.
დღეიდან ე.წ ციანიდს საქმის განხილვას სააპელაციო სასამართლო იწყებს. სამი მოსამართლისგან შემდგარი კოლეგია, პირველი ინსტანციის განაჩენის კანონიერებაზე იმსჯელებს.
საქალაქო სასამართლომ დეკანოზ გიორგი მამალაძეს 9-წლიანი პატიმრობა მიუსაჯა.
მონიკა დავლიანიძე