არქივი
კომენტარი
დეპუტატს უფლება არ უნდა ჰქონდეს მეორე დეპუტატის საქციელი შეაფასოს - მირიან წიკლაური
საპარლამენტო უმრავლესობის წევრი მირიან წიკლაური პარლამენტის რეგლამენტში ცვლილებებს მხარს არ დაუჭერს, თუ პროექტში ეთიკის საბჭოსთან დაკავშირებით არსებული ჩანაწერი დარჩება.
როგორც წიკლაურმა ჟურნალისტებს განუცხადა, ყველა დეპუტატი ერთნაირი მანდატით არის არჩეული. შესაბამისად, შეურაცხმყოფელია, თანაბარ პირებს შორის რომელიმეს მეტი უფლება ჰქონდეს, განსაზღვროს, კოლეგამ რა უნდა ილაპარაკოს და მისი საქციელის ეთიკური მხარე შეაფასოს.
„არ შეიძლება, პლებეებისა და პატრიციების დაყოფა ხდებოდეს. არ შეიძლება, ზოგიერთს ისეთი შეფასების უფლება მიეცეს, რისი უფლებაც არ გააჩნია. ჩვენი საქციელის შეფასების უფლება მხოლოდ ამომრჩეველს აქვს, სხვას – არა. ჩვენი საქციელის გათვალისწინებით, ამომრჩეველი გადაწყვეტს, მხარს დაგვიჭერს თუ არა. დეპუტატს უფლება არ უნდა ჰქონდეს, მეორე დეპუტატის საქციელი შეაფასოს. თუ რეგლამენტში ეთიკის საბჭოზე ჩანაწერი იქნება, დოკუმენტი ჩემს ხმას ვერ მიიღებს“, – განაცხადა წიკლაურმა.