უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
დევნილ ოჯახებს განაცხადების შევსება იუსტიციის სახლებში შეეძლებათ
დევნილ ოჯახებს განსახლების მოთხოვნით განაცხადების შევსება იუსტიციის სახლებში შეეძლებათ, - ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა მთავრობის სხდომის დასრულების შემდგომ განაცხადა.
„მთავრობის სხდომაზე ძალიან მცირე ტექნიკური შესწორება შევიტანეთ დევნილთა შესახებ კანონში, რომელიც დასამტკიცებლად პარლამენტს გადაეგზავნება. ეს შესწორება დევნილ ოჯახებს საშუალებას მისცემს განსახლების მოთხოვნით განაცხადები, მთელი საქართველოს მასშტაბით, არსებულ იუსტიციის სახლებში შეიტანონ. ამ ეტაპზე, განაცხადები მხოლოდ სამინისტროსა და მის რეგიონალურ სამმართველოებში თბილისში, ზუგდიდსა და ქუთაისში მიიღება და დევნილები იძულებულები არიან მაინცდამაინც ამ სამ ლოკაციაზე მივიდნენ. პარლამენტის მიერ ცვლილების დამტკიცების შემდეგ, დევნილებს შეეძლებათ განაცხადები საქართველოს ყველა რაიონსა და ძალიან ბევრ სოფელში შეავსონ. მზადდება ტრენინგი იუსტიციის სამინისტროს თანამშრომლებისთვის, რათ მათ დევნილების შეკითხვებს კვალიფიციური პასუხები გასცენ. განსახლების მოთხოვნით წელიწადში მინიმუმ 4000 განაცხადი იწერება და ცვლილების შედეგად, დევნილებისთვის ეს პროცესი გაადვილდება“, - განაცხადა სოზარ სუბარმა.