უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
დღეს „ევროპული საქართველო“ საკონსტიტუციო პროექტზე პლებისციტის ჩატარების მოთხოვნით150 000-ს ხელმოწერას ჩააბარებს კანცელარიაში - დავით ბაქრაძე (ვიდეო)
„ევროპული საქართველოს“ წევრის, დავით ბაქრაძის განცხადებით, პარტია დღეს მიმართავს მთავრობის ადმინისტრაციას, რომ საკონსტიტუციო ცვლილებებთან დაკავშირებით პლებისციტი ჩატარდეს. ბაქრაძემ აღნიშნა, რომ ამ მოთხოვნით 150 000 ხელმოწერა შეგროვდა.
„როგორც იცით, ჩვენ ვაგროვებთ ხელმოწერებს პლებისციტის მოთხოვნით. დღეს წარმოგიდგენთ მხოლოდ შეგროვილი ხელმოწერების ნაწილს და მინდა გითხრათ, რომ 150 000-მდე ხელმოწერა მოაგროვა „ევროპულმა საქართველომ“ ამ ძალიან შეზღუდულ დროში. ეს კიდევ ერთხელ ადასტურებს, რომ მოსახლეობას, ხალხს სურს, რომ მას დავეკითხოთ აზრი და ამ ქვეყნის კონსტიტუცია, პოლიტიკური სისტემა იყოს ისეთი, როგორც ამას გადაწყვეტს ხალხი.
როცა პოლიტიკური პარტიები ვერ თანხმდებიან, უნდა კეთილი ინებონ და აზრი ჰკითხონ ხალხს. ხალხის აზრი არის პლებისციტი, ჩვენ შევაგროვეთ 150 000-მდე ხელმოწერა ამ მოთხოვნით და დღეს ჩვენი პარტიის წარმომადგენლები კანცელარიაში მიიტანენ და ჩააბარებენ 150 000-ს ხელმოწერას პლებისციტის მოთხოვნით“, - განაცხადა ბაქრაძემ დღევანდელ ბრიფინგზე.
ბაქრაძის თქმით, „ქართული ოცნების“ გუშინდელმა შეკრებამ დაადასტურა, რომ თვითონ ფრაქციის შიგნით ვერ თანხმდებიან საკონსტიტუციო ცვლილებებზე, რის გამოც სიტუაცია პოლიტიკურ ჩიხამდე მივიდა.
„გუშინ უმრავლესობაში ჩატარებულმა კონსულტაციებმა და ამ კონსულტრაციების შედეგმა კიდევ ერთხელ დაადასტურა, რომ წარმოდგენილ საკონსტიტუციო ცვლილებებთან დაკავშირებით არ არსებობს კონსესუსი არა მხოლოდ განსხვავებულ პოლიტიკურ პარტიებს შორის , არამედ უმრავლესობის შიგნითაც კი. შედეგად მივიღეთ შეთანხმება უმრავლესობაში, როდესაც საკონსტიტუციო ცვლილებების ერთ-ერთი ძირითადი ელემენტი - პროპორციულ საარჩევნო სიებზე გადასვლა გადატანილი იქნება 2024 წლისთვის, ეს ყველაფერი ადასტურებს, რომ დღეის მდგომარეობით, საკონსტიტუციო პროცესთან დაკავშირებით შექმნილია ჩიხი. ჩიხს ვეძახი მდგომარეობას, როდესაც არ არსებობს არანაირი კონსესუსი და შეთანხმების პერსპექტივა პოლიტიკურ მოთამაშეებს შორის“, - თქვა ბაქრაძემ.
ბაქრაძის შეფასებით, ახალი საკონსტიტუციო პროექტი ვერ უზრუნველყოფს ქვეყნის სტაბილურ განვითარებას, რადგან დოკუმენტი მხოლოდ ერთი პარტიის მიერ იქნება დამტკიცებული.
ანა მებურიშვილი