უკან

უახლესი ამბები

დღის კალენდარი

ანონსები

არქივი

პოლიტიკა

26 ივნისი, 2018 11:00
font-size

დღეს ხორავას ქუჩის საქმის შემსწავლელი საპარლამენტო საგამოძიებო კომისიის სხდომაზე საქმის პროკურორისა და შსს-ის თანამშრომლის გამოკითხვა განახლდება

ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისიის სხდომა დღეს, 15:00 საათზე განახლდება. სხდომაზე გაგრძელდება თბილისის პოლიციის დეპარტამენტის დეტექტივ-გამომძიებლის, კახა სირაძისა და საქმის პროკურორის, ზვიად ფხაკაძის გამოკითხვა.

გუშინ სირაძესა და ფხაკაძეს კომისიის წევრები რამდენიმე საათის განმავლობაში უსმენდნენ, თუმცა დეპუტატებმა აღნიშნეს, რომ კითხვები ისევ აქვთ, მათ კი დღევანდელ სხდომაზე დაუსვამენ.

„გუშინ ჩვენ დავსვით ბევრი შეკითხვა და მივიღეთ პასუხები, თუმცა გადავწყვიტეთ, დღესაც გავაგრძელოთ აღნიშნულ პირთა დამატებითი გამოკითხვა, რათა კიდევ უფრო მეტი ინფორმაცია მივიღოთ დამატებით ყველა იმ საჭირო საკითხზე, რომელიც ჩვენთვის არის საინტერესო. ჩვენ ვერ ამოვწურეთ ყველა ის შეკითხვა, რომლის დასმასაც კიდევ ვაპირებთ“, – განაცხადა კომისიის წევრმა ანრი ოხანაშვილმა.

კომისიის თავმჯდომარემ, სერგი კაპანაძემ გუშინდელი სხდომის შემდეგ განაცხადა, რომ დღევანდელ მოსმენაზე დასვამს საკითხს, რომ კომისიამ შეიმუშაოს რეკომენდაციები სამართალდამცავი ორგანოების მიმართ. დეპუტატმა აღნიშნა, რომ საქმეში არის საკმარისი მტკიცებულებები, რათა ერთ-ერთი მოზარდის, მ.კ.-ს მიმართ სისხლის სამართლებრივი დევნა დაიწყოს ჯგუფურად მკვლელობაში თანამონაწილეობის თაობაზე. ასევე, ერთ-ერთი მოზარდის, გ.მ.-ის დაჭრის ფაქტთან დაკავშირებით საქმის ცალკე წარმოებად გამოყოფა მოხდეს.

„სხდომაზე იქნება განხილული ორი იდეა, რომელიც ჩემ მიერ იქნება შეთავაზებული კომისიისთვის, რომ ჩვენ მივმართოთ რეკომენდაციით შსს-სა და პროკურატურას, ორ კონკრეტულ თემაზე. პირველი ეს არის, ერთ-ერთი მოზარდის დაჭრის ფაქტთან დაკავშირებით. გ. მ. იყო დაჭრილი პირველ დეკემბერს ხორავას ქუჩაზე, თუმცა ამ კუთხით საქმე ცალკე არ ყოფილა გამოყოფილი და არც გამოძიება ყოფილა წარმოებული და მეორე არის ერთ-ერთი მოზარდის, მ.კ.-ს მიმართ სისხლის სამართლებრივი დევნის დაწყება ჯგუფურად მკვლელობაში თანამონაწილეობასთან დაკავშირებით. ეს იქნება განსახილველად გამოტანილი კომისიაზე. განვიხილავთ და შემდეგ კომისია გადაწყვეტს, როგორ, რა ფორმით და როდის შესთავაზოს“, – განაცხადა კაპანაძემ.

კაპანაძის განცხადებაზე „ქართული ოცნების“ თავმჯდომარემ და ხორავას ქუჩაზე მკვლელობის საქმის შემსწავლელი საპარლამენტო კომისიის წევრმა, მამუკა მდინარაძემ თქვა, რომ ამ ეტაპზე, როდესაც სულ რამდენიმე ადამიანია გამოკითხული, ნებისმიერი შეფასება უპასუხისმგებლობაა.

უმრავლესობის წევრის თქმით, ის მსგავს რეკომენდაციებს არც შეაფასებს, რადგან მდინარაძის აზრით, ეს ძალიან ნაჩქარევი იქნება. მდინარაძემ დაამატა, რომ საჭიროა საქმის მოწმეების გამოკითხვა.

„ამის შეფასება, დათანხმება ან არდათანხმება, მომდევნო ეტაპის საქმეა, რომელსაც, როგორც მინიმუმ, თვითმხილველების გამოკითხვის შემდეგ გადავწყვეტთ. დათანხმებაზე მაქვს საუბარი. დღეს ეს უპასუხისმგებლო განცხადება და გადაწყვეტილებაა. იმიტომ, რომ ჩვენ მხოლოდ და მხოლოდ ორ მხარეს მოვუსმინეთ და არც ერთი თვითმხილველის ახსნა-განმარტება არ მოგვისმენია“, – აღნიშნა მდინარაძემ.

საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან - გიორგი გახარია

25 სექტემბერი, 2020 , 19:34

საქართველო არის ახალი შესაძლებლობების ქვეყანა, ადგილი, რომელსაც შეუძლია შესთავაზოს ის, რასაც ვერ შესთავაზებენ სხვაგან, - ამის შესახებ საქართველოს პრემიერ-მინისტრმა გიორგი გახარიამ გაეროს გენერალური ასამბლეის 75-ე სესიაზე

საქართველოს განუყოფელი ტერიტორიების 20% - აფხაზეთი და ცხინვალის რეგიონი ოკუპირებულია რუსეთის მიერ - გიორგი გახარია

25 სექტემბერი, 2020 , 19:23

დღესაც კი, როდესაც მთელი მსოფლიო კორონავირუსის პანდემიას ებრძვის, რუსეთის ფედერაცია არ წყვეტს უკანონო ბორდერიზაციას, პროვოკაციებს ოკუპირებულ ტერიტორიებზე; ინტენსიურად არის გამოყენებული ჰიბრიდული ომის ინსტრუმენტები, მათ შ

მთავრობამ ვერც ლარს მოუარა და ვერც პანდემია აიცილა თავიდან, ლარიც გაექცა და ვირუსიც - რომან გოცირიძე

25 სექტემბერი, 2020 , 17:05

პარლამენტის ფრაქცია „ნაციონალური მოძრაობის" თავმჯდომარე, რომან გოცირიძე ეკონომიკასთან მიმართებით ხელისუფლების პოლიტიკას აკრიტიკებს და მთავრობას მოუწოდებს, ქვეყანაში არსებული მძიმე ეკონომიკური ვითარებიდან გამოსასვლე

საქართველოში პირველი ოფიციალური ვიზიტით უნგრეთის თავდაცვის მინისტრი იმყოფება

25 სექტემბერი, 2020 , 15:30

ირაკლი ღარიბაშვილმა და ტიბორ ბენკომ საქართველოსა და უნგრეთს შორის თავდაცვის სფეროში თანამშრომლობის საკითხები უწყებაში გამართულ ორმხრივ შეხვედრაზე განიხილეს. უნგრეთის თავდაცვის მინისტრი საქართველოში პირველი ოფიციალური ვიზ

გიორგი გახარია უნგრეთის თავდაცვის მინისტრ ტიბორ ბენკოს შეხვდა

25 სექტემბერი, 2020 , 15:10

საქართველოს პრემიერ-მინისტრი გიორგი გახარია უნგრეთის თავდაცვის მინისტრ ტიბორ ბენკოს შეხვდა. მთავრობის ადმინისტრაციის პრესსამსახურის ცნობით, მხარეებმა საქართველოსა და უნგრეთს შორის სხვადასხვა სფეროში მიმდინარე საკითხები გ

დავით ზალკალიანმა კანადის საგარეო საქმეთა მინისტრთან, ფრანსუა ფილიპშამპანთან სატელეფონო საუბარი გამართა

25 სექტემბერი, 2020 , 12:05

საქართველოს საგარეო საქმეთა მინისტრმა, დავით ზალკალიანმა სატელეფონო საუბარი გამართა კანადის საგარეო საქმეთა მინისტრთან, ფრანსუა ფილიპშამპანთან. ინფორმაციას საქართველოს საგარეო უწყება ავრცელებს. „სატელეფონო საუბრისა

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.