უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
რეგიონები
დღეს პანკისის ხეობის სოფელ დუისის მოსახლეობა აქციას გამართავს
დღეს პანკისის ხეობის სოფელ დუისის ადგილობრივი მოსახლეობა საპროტესტო აქციას გამართავს. პანკისში ჩატარებული სპეცოპერაციის დროს დაღუპული თემირლან მაჩალიკაშვილის მამის, მალხაზ მაჩალიკაშვილის თქმით, მოსახლეობა უკმაყოფილოა გამოძიებით და ითხოვს იმ სპეცრაზმელების დასჯას, ვის გამოც დაიღუპა 19 წლის თემირლანი.
მალხაზ მაჩალიკაშვილმა არ გამორიცხა, რომ აქციები თბილისშიც გაიმართოს.
„დუისში იქნება აქციები, შემდეგ, რაღაც გარკვეული პერიოდის მერე, ალბათ თბილისში გადაინაცვლებს. ვინც ამ სპეცოპერაციაში მონაწილეობდა, ვინც დაგეგმა და ეს მკვლელობა ჩაიდინა, ამ ადამიანების დასჯა, დაზარალებულის სტატუსის მინიჭება, თემირლანის უდანაშაულობა – აღნიშნულ მოთხოვნებს დავაყენებთ“,- განაცხადა მალხაზ მაჩალიკაშვილმა.
26 დეკემბერს პანკისის ხეობის სოფელ დუისში ჩატარებული სპეცოპერაციის დროს 19 წლის თემირლან მაჩალიკაშვილი მძიმედ დაიჭრა თავის არეში. ის თბილისში გადაიყვანეს, იგეგმებოდა მისი სამკურნალოდ გაგზავნა საზღვარგარეთ, თუმცა წასვლამდე მაჩალიკაშვილი გარდაიცვალა.