რეგიონები

„ჯორჯიან მანგანეზში“ დასაქმებული მაღაროელები საპროტესტო აქციას მართავენ

„ჭიათურა მენეჯმენტ კომპანიის“ მიერ გათავისუფლებული მაღაროელები ჭიათურაში მე-16 დღეა აქციას მართავენ.

მთავარი მოთხოვნაა, მათ კომპანიამ დავალიანება დაუფაროს და მაღაროების მართვა სახელმწიფომ გადაიბაროს.

მათი განცხადებით, მნიშვნელოვანია შეიქმნას ფონდი - ჭიათურის სააქციო საზოგადოება, რომელსაც ჭიათურის მანგანუმის 5%-იანი წილი ექნება და მიღებულ ფინანსებს ფონდი ჭიათურის განვითარებას მოახმარს.

ცნობისთვის, მე-16 დღეა აქციის მონაწილეები წიაღისეულის მომპოვებელი კომპანიის მიერ მიწისქვეშა სამუშაოების შეწყვეტას აპროტესტებენ. „ჭიათურა მენეჯმენტ კომპანიისგან“ დასაქმებულები ითხოვენ, რომ წიაღისეულის მოპოვება კომპანიისგან სახელმწიფომ გადაიბაროს.